Otyrys barysynda memlekettik organdardyń otyn-energetıka keshenin demonopolızasııalaý jónindegi usynystary qaraldy.
Energetıka mınıstri Bolat Aqsholaqov Atyraý MО́Z jáne Pavlodar MHZ-de suıytylǵan munaı gazyn (SMG) saqtaý parkteri men quıý estakadalary tehnologııalyq turǵydan bólingenin jáne jeke uıymdarǵa tıesili ekenin aıtty. Tutynýshylarǵa saqtaý jáne quıý qyzmetteri qosymsha aqyǵa kórsetiledi, bul óz kezeginde gazdyń túpkilikti qunyn arttyrady.
Osyǵan baılanysty Energetıka mınıstrligi suıytylǵan munaı gazyn aýystyryp tıeý jáne saqtaý boıynsha qyzmet kórsetetin tehnologııalyq baılanystaǵy nysandardy munaı óńdeý zaýyttarynyń balansyna qaıtarý máselesin pysyqtaýdy usynady. Munaı ónimderi naryǵyn demonopolızasııalaý maqsatynda B.Aqsholaqov MО́Z-ge munaı jetkizýdiń qoldanystaǵy qurylymyn ózgertýdi, sondaı-aq odan ónimsiz deldaldardy alyp tastaýdy usyndy.
Otyrys qorytyndysy boıynsha Komıssııa aıtylǵan usynystardy qoldap, birqatar tıisti tapsyrmalar júktedi.
