«Jaıaý júrginshilerdiń kinásinen 88 JKO oryn aldy, onda 22 adam qaza tapty, 69-y jaraqat aldy. Eldi mekenderde barlyq JKO-nyń 72%-y nemese 1 860 JKO boldy. Bul qaza bolǵandardyń 31%-y jáne zardap shekkenderdiń 64%. Nazar aýdarǵym keletin taǵy bir másele – balalardyń qatysýymen bolatyn jol-kólik oqıǵalary. О́kinishke qaraı, balalardyń qatysýymen 465 JKO-ǵa jol berildi, onda 33 bala qaza taýyp, 592 adam jaraqat aldy. Ádette, balalar aýyr jaraqat alady. Kóbinese jol erejesin bilmeý nemese olardy elemeý saldarynan jol júris bóliginde oınaıtyn, belgilenbegen jerlerde kósheni kesip ótetin, kólik quraldaryna otyrýdy jáne olardan túsýdi durys oryndamaıtyn balalar jol-kólik oqıǵalaryna kináli bolady», dedi polkovnık.
Spıker 4 sáýirde Qyzylorda oblysynda oryn alǵan oqıǵany mysalǵa aldy. Bala velosıpedpen jolǵa shyǵyp ketip, oqıǵa saldarynan kóz jumǵan. Sondaı-aq elordada jolǵa júgirip shyqqan balany kólik qaǵyp ketken.
«Tek polıseıler ǵana emes, bul máselege bárimiz de nazar aýdaryp, balalardy tárbıelep, úıretýimiz kerek», dedi Atyǵaı Arystanov.
