Qoǵam • 12 Sáýir, 2022

Qoǵamdyq keńes «qolbala» bolmasyn desek

67 ret kórsetildi

Qazirgi tańda Jambyl oblysynda Qoǵamdyq keńes quramynyń máselesi jıi kóterilip keledi. О́ńirdegi birqatar aýdan atalǵan áńgime tóńireginde synǵa ushyraǵan bolatyn. Máselen, bir ǵana Merki aýdanynyń Qoǵamdyq keńes quramynyń áýeli durys bekitilmegeni de talaı aıtyldy. Atalǵan óńirde ­aýdan ákiminiń orynbasary, ákimdikke qarasty biraz bólim basshylary sııaqty laýazymdy tulǵalardy da keńes músheligine kirgizip qoıǵan.

Mundaı másele Taraz qalasynyń ózinde de boldy. Degenmen de óńirdegi Qoǵamdyq keńestiń quramy týraly negizgi áńgimeniń bári alda bolyp shyqty. Jalpy, Áýlıeata aımaǵy úshin bul másele qaı kezde de kúrdeli. Tipti, jalpy keńes quramy týraly da osy kúnge deıin biraz adam syn aıtyp keldi. Endi jýyrda ǵana keńestiń jańa quramyna baıla­nys­ty kelispeýshilikter oryn aldy. Bul da qoǵamdaǵy qyzý talqylanǵan máseleniń biri edi.

Memleket basshysy Qasym-Jomart Toqaev «Jańa Qazaqstan qurý» týra­ly ıdeıasyn jarııalap, búginde sol maq­satta jumystar atqarylýda. Alaıda Prezıdent aıtqan talapqa qoǵamdaǵy keıbir kórinister saı bolmaı tur deýge bolady. О́ńirde oblystyq máslıhattyń kezekti on besinshi sessııasy ótip, jıyn­da oblystyq Qoǵamdyq keńestiń quramyn bekitý týraly másele qaralǵan edi. Biraq bul joly pikir ekige jaryldy. Deni kásipkerlerden quralǵan jańa keńestiń quramy týraly da biraz syn aıtylǵan bolatyn. Arasynda halyqtyń ara­syn­da júrgen qarapaıym bir adamnyń joq­tyǵy da talaı sóz bolǵan. Aqyry máslıhat depýtattary Qoǵamdyq keńes múshelerin bekitýge kelgende ymyraǵa kele almady. Tipti, Erqanat Manjýov pen Erbolat Saýryqov bastaǵan birne­she depýtattyń sessııa ótip jatqan zaldan shyǵyp ketýi de sol qarsylyqtan týyndaǵan áreket bolatyn. О́ńirde shý bolǵan máselege oraı óńirlik kommýnıkasııalar qyzmetiniń alańynda shuǵyl túrde brıfıng uıymdastyry­lyp, onda oblystyq máslıhattyń hatshysy Mahmetǵalı Sarybekov óz piki­rin bildirdi. Negizi oblystyq Qoǵam­dyq ke­ńes múshelerin bekitý merzimi ke-­­
she­ýil­degen. Buryn bekitilgen keńestiń quzy­reti bıyl 9 qańtar kúni aıaqtalǵan. Osyǵan baılanysty oblystyq máslı­hat ótken jyly qarasha aıynan beri birneshe kezeńnen turatyn konkýrsqa daıyndyq jumystaryn bastaǵan. О́z sózinde Mahmetǵalı Sarybekov jumys toby ashyq daýys arqyly oblystyq máslıhatqa Qoǵamdyq keńes músheleriniń tizimin usynatynyn, al sońǵy núkteni máslıhat depýtattary qoıatynyn jet­kizdi. «Quramdy bekitý nemese bekitpeý máselesin máslıhat sheshedi. Bul sessııada osy másele aınalasynda biraz pikirtalas týyndady. Sonymen jumys toby 55 kandıdattyń ishinen 15 adamdy usyndy. Osyǵan konkýrstan tys ótken eki adamdy qossaq, jalpy Qoǵamdyq keńes músheleri 17 adamnan quralýy tıis boldy. Áleýmettik jelide Qoǵamdyq keńestiń burynǵy tóraǵasy Ámzebek Jolshybekovtiń ashyq haty da jarııa­landy. Onda «alǵashqy konkýrstyń nátıjesi nege kúshine enbedi? Konkýrs­qa qatysqan azamattardy nege resmı málim­demedi?» degen suraqtar boldy. Soǵan jaýap bereıin. Alǵashqy konkýrs qarasha, jeltoqsan aılarynda ótti. Oǵan bar-joǵy 25 adam qatysty. Onyń ishinen 15-i retteldi. Biraq qańtar oqıǵasynan keıin Qoǵamdyq keńeske degen kózqaras ózgerdi. Elimizdiń Prezıdent Ákimshiligimen qatar, Qoǵamdyq keńestiń jumysyn úılestiretin Aqparat jáne qoǵamdyq damý mınıstrliginiń de talaptary kúsheıdi. Onda Qoǵamdyq keńestiń quramy kem degende 70-80 paıyzǵa óz­gerýi kerek delingen. Sonymen qatar keńes quramyna jastardyń tartylýy, saıası partııalardyń músheleri jáne qoǵam belsendileriniń bolýy mańyzdy. Al bizdiń alǵashqy konkýrstyń nátıjesi jańa talaptarǵa saı bolmady», deıdi máslıhat hatshysy.

Budan keıin depýtattar tarapynan konkýrsty ekinshi ret jarııalaý týraly usynys túsken. Nátıjesi soń­ǵy ótken máslıhattyń sessııasynda kórse­tilgen. Degenmen, kelispeýshilik depý­tattardyń daýys berý rásimine baı­lanysty týyndaǵan. «Aıta ketetin taǵy bir jaıt, birde-bir normatıvtik qujatta daýys berý máselesi birjaqty kórsetilmegen. Daýys berý máslıhattyń quzyrynda. Usynysty aıtqan soń depý­tattardyń biri tizim boıynsha daýys berýdi qoldasa, ekinshi jaq Qoǵamdyq keńes múshelerin ár kandıdatqa jeke-jeke daýys berý arqyly bekitýdi durys kórdi. Jumysshy topta bolǵan úsh depýtatymyz «О́zderińiz bekitken jumys tobyna senimsizdik bildiresizder me?» degen máseleni aıtyp qaldy. Mun­da senimsizdik degen joq. Usynysty máslıhat sessııada qaraıdy. Sonymen 17 depýtat kandıdattarǵa jeke-jeke daýys berýdi qoldasa, 6 depýtatymyz tizim boıynsha dedi. Olar sheshimmen kelispeıtinderin aıtyp, turyp ketti. Sodan keıin qalǵan 22 depýtat daýys berý tártibi boıynsha ár depýtatqa jeke-jeke daýys berdik. Osylaısha kópshilik usynyspen 15 úmitkerdiń 11-i Qoǵamdyq keńestiń músheligine ótse, 4 adam ótpedi. Oblystyq máslıhattyń sessııa sheshimi boıynsha oblystyq qoǵamdyq keńeske 11 adam saılanyp otyr», deıdi Mahmetǵalı Sarybekov. Sondaı-aq tizimi jarııalanatynyn da aıtty.

Bul másele tóńireginde ótken brıfıngke oblystyq Qoǵamdyq keńes­tiń qalyptastyrý komıssııasynyń tór­­aǵasy, oblystyq máslıhat depýtaty Erqanat Manjýov, Halyqaralyq Taraz ınnovasııalyq ınstıtýtynyń rektory, oblystyq máslıhat depýtaty Erbolat Saýryqov pen oblystyq máslıhattaǵy «Aqjol» partııasynyń depýtaty Shyńǵys Abdrahmanov qaty­syp, pikir bildirdi. Olar oblystyq más­lıhattyń sessııasynda qaralǵan máselede zańsyzdyqqa jol berilgenin aıtty. Sonymen qatar osy másele boıynsha Prezıdent Qasym-Jomart Toqaevqa Úndeý joldaıtyndaryn da jetkizdi. «Zańda Qoǵamdyq keńesti qalyp­tastyrýshy jumysshy top úmit­kerler tizimin usynady. Al ony más­lıhat tek bekitip beredi. Zańda máslıhat tizimdi talqylasyn degen bir de bir sóz joq. Bul jerde máslıhat aldyn ala 56 adamnyń qujatymen tanysyp, olardyń árqaısysymen jeke-jeke sóı­lesip, ishindegi laıyqtylaryn usyn­ǵan jumysshy toptyń tirligine aralasyp, belden basyp otyr. Biz myna túri­mizben Prezıdent aıtqan «Jańa Qazaqstandy» qalaı quramyz? Eger ju­mysshy top usynǵan úmitkerlermen máslıhat kelispeı, óz degenin isteıtin bolsa onda komıssııany quryp ne qajeti bar?», deıdi Erbolat Saýryqov. Árıne, eki tarap ta óz ýájin aıtýda. Qoǵamdyq keńestiń músheligi týraly da árkimniń pikiri ártúrli. Qazir qo­ǵamda keńestiń bıznesmenderden qural­ǵany, qoǵam belsendileri bar-joǵy úsh-aq adam degen másele kóterilý­de. Jer­gilikti depýtattar da bul rette bel­­den basýshylyq beleń alǵan degen pi­kirde. Al oblystyq máslıhattyń hatshysy halyq qalaýlylarynyń bul áreketine depýtattyq jáne adamı etıkany óreskel buzýshylyq dep baǵa berýde. Jalpy, mundaı áreketterden keıin, túrli pikirlerden soń Qoǵamdyq keńeske degen qarsylyqtyń da kóp eke­nin baıqaýǵa bolady.

 

Jambyl oblysy

Sońǵy jańalyqtar

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Uqsas jańalyqtar