Álemdik deńgeıdegi baspa týyndylaryna saı «AMANAT» jýrnaly men 200 tomdyq kitap shyǵarýdaǵy ıgi bastama elimizde júzege asa bastaǵany málim. О́zindik ereksheligi mol osynaý ıgilik Almaty oblysynda da jalǵasyp, «Jetisý kitaphanasy» aıdarymen byltyrǵy jyly jaryq kórgen alǵashqy 8 kitaptyń tusaýkeser rásimi Taldyqorǵanda ótti.
«Jetisý kitaphanasy» – bizdiń aımaqtyń ǵana emes, qazaq rýhanııatynyń damýyna keńinen ashylǵan jol dep baǵalaımyz. «Jetisý kitaphanasy» biz saǵyna tosqan babalar úni, babalar oıy, babalar amanaty», depti Almaty oblysynyń ákimi Ańsar Musahanov kitapqa jazǵan alǵy sózinde.
«Mádenı mura» memlekettik baǵdarlamasy aıasynda qalamgerler qaýymy eldigimizdi saqtaýǵa, Táýelsizdikti el sanasyna uıalatýǵa, azattyq uǵymyn el sanasyna bekitýge abyroıly eńbek etip, mádenı órleý men rýhanı damýǵa zor úles qosyp keledi. Búgingi kitap merekesin sol ıgiliktiń bir aıǵaǵy deı otyryp, Almaty oblysy ákiminiń qoldaýymen Jetisý jerinen shyqqan Qazaqstan Jazýshylar jáne Kompozıtorlar odaǵy músheleriniń, jalpy óńir tarıhyn zerttep, ózindik qundylyqtaryn búgingi urpaqqa pash etýge úles qosqan tulǵalardyń eńbekteri men estelik kitaptary 2006 jyldan beri jaryqqa shyǵyp, 215 avtordyń kitaby jalpy ult bolyp oqıtyn kitaptardyń tizimine engenine rızashylyǵymdy bildiremin, – dedi Almaty oblysy ákiminiń orynbasary Serik Muqanov.
Negizi Súıinbaı Aronulynyń «Bóri basy uranym», Shoqan Ýálıhanovtyń «Táńiri», Jambyl Jabaevtyń «Japanǵa bitken báıterek», Ilııas Jansúgirovtiń «Dala», Ánýar Álimjanovtyń «Ustazdyń oralýy», Muqaǵalı Maqataevtyń «Kóshedi óleń nemese óshedi óleń», «Bireý», «Jıyrma bir ǵasyr DALA JYRY» atty kitaptary oqyrmandaryna jol tartty. О́z kezeginde sóz alǵan osynaý qundylyqty jınaqtaýshy jazýshy Rollan Seısenbaev, oblystyq mádenıet, muraǵattar jáne qujattama basqarmasynyń bastyǵy Rahmet Esdáýletov jáne zııaly qaýym ókilderi rýhanı baılyǵymyz kitap qorynyń tolyqqan ústine tolyǵa túsýin jaqsylyqtyń ári álemdik órkenıetke umtylýdyń bir joly dep te baǵalap, tushymdy oı, salıqaly pikirlerin ortaǵa saldy.
Túıindeı kele basa aıtar bir jaıt bul týyndylardyń jyljyǵan jyldarmen birge ár urpaq kádesine jaraýy, ıaǵnı uqypty saqtalýy, taǵdyry kitaphana qyzmetkerleriniń jaýapkershiligine júkteleri haq. Sonymen qatar, dál osyndaı kitap álemine qatysty ıgi sharalardyń uıytqysy bolyp júrgen Almaty oblystyq Sáken Seıfýllın atyndaǵy ámbebap kitaphananyń basshysy Maqpal Nurǵalıeva, qyzmetkerleri Baqtyly Jumabekova, Gúljan Qusaıynova, Quralaı Altynbekovanyń eńbekterin elegen lázim. Sóıtip, Jetisý jerinde de kitap merekesi oqyrmandar qýanyshyna aınaldy.
Nurbol ÁLDIBAEV,
«Egemen Qazaqstan».
Almaty oblysy.
«Jetisý kitaphanasy» – bizdiń aımaqtyń ǵana emes, qazaq rýhanııatynyń damýyna keńinen ashylǵan jol dep baǵalaımyz. «Jetisý kitaphanasy» biz saǵyna tosqan babalar úni, babalar oıy, babalar amanaty», depti Almaty oblysynyń ákimi Ańsar Musahanov kitapqa jazǵan alǵy sózinde.
«Mádenı mura» memlekettik baǵdarlamasy aıasynda qalamgerler qaýymy eldigimizdi saqtaýǵa, Táýelsizdikti el sanasyna uıalatýǵa, azattyq uǵymyn el sanasyna bekitýge abyroıly eńbek etip, mádenı órleý men rýhanı damýǵa zor úles qosyp keledi. Búgingi kitap merekesin sol ıgiliktiń bir aıǵaǵy deı otyryp, Almaty oblysy ákiminiń qoldaýymen Jetisý jerinen shyqqan Qazaqstan Jazýshylar jáne Kompozıtorlar odaǵy músheleriniń, jalpy óńir tarıhyn zerttep, ózindik qundylyqtaryn búgingi urpaqqa pash etýge úles qosqan tulǵalardyń eńbekteri men estelik kitaptary 2006 jyldan beri jaryqqa shyǵyp, 215 avtordyń kitaby jalpy ult bolyp oqıtyn kitaptardyń tizimine engenine rızashylyǵymdy bildiremin, – dedi Almaty oblysy ákiminiń orynbasary Serik Muqanov.
Negizi Súıinbaı Aronulynyń «Bóri basy uranym», Shoqan Ýálıhanovtyń «Táńiri», Jambyl Jabaevtyń «Japanǵa bitken báıterek», Ilııas Jansúgirovtiń «Dala», Ánýar Álimjanovtyń «Ustazdyń oralýy», Muqaǵalı Maqataevtyń «Kóshedi óleń nemese óshedi óleń», «Bireý», «Jıyrma bir ǵasyr DALA JYRY» atty kitaptary oqyrmandaryna jol tartty. О́z kezeginde sóz alǵan osynaý qundylyqty jınaqtaýshy jazýshy Rollan Seısenbaev, oblystyq mádenıet, muraǵattar jáne qujattama basqarmasynyń bastyǵy Rahmet Esdáýletov jáne zııaly qaýym ókilderi rýhanı baılyǵymyz kitap qorynyń tolyqqan ústine tolyǵa túsýin jaqsylyqtyń ári álemdik órkenıetke umtylýdyń bir joly dep te baǵalap, tushymdy oı, salıqaly pikirlerin ortaǵa saldy.
Túıindeı kele basa aıtar bir jaıt bul týyndylardyń jyljyǵan jyldarmen birge ár urpaq kádesine jaraýy, ıaǵnı uqypty saqtalýy, taǵdyry kitaphana qyzmetkerleriniń jaýapkershiligine júkteleri haq. Sonymen qatar, dál osyndaı kitap álemine qatysty ıgi sharalardyń uıytqysy bolyp júrgen Almaty oblystyq Sáken Seıfýllın atyndaǵy ámbebap kitaphananyń basshysy Maqpal Nurǵalıeva, qyzmetkerleri Baqtyly Jumabekova, Gúljan Qusaıynova, Quralaı Altynbekovanyń eńbekterin elegen lázim. Sóıtip, Jetisý jerinde de kitap merekesi oqyrmandar qýanyshyna aınaldy.
Nurbol ÁLDIBAEV,
«Egemen Qazaqstan».
Almaty oblysy.
