Qazaqstan Respýblıkasy Úkimetiniń qaýlysy №55

2014 jylǵy 4 aqpan Astana, Úkimet Úıi «Shyǵý vızalaryn uzartý jáne berý» memlekettik kórsetiletin qyzmet standartyn bekitý týraly «Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasynyń Zańy 6-babynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan «Shyǵý vızalaryn uzartý jáne berý» memlekettik kórsetiletin qyzmet standarty bekitilsin. 2. «Shyǵý vızalaryn uzartý jáne berý» memlekettik qyzmet standartyn bekitý týraly» Qazaqstan Respýblıkasy Úkimetiniń 2011 jylǵy 28 aqpandaǵy № 200 qaýlysynyń (Qazaqstan Respýblıkasynyń PÚAJ-y, 2011 j., № 22, 279-qujat) kúshi joıyldy dep tanylsyn. 3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri   S. AHMETOV. Qazaqstan Respýblıkasy Úkimetiniń 2014 jylǵy 4 aqpandaǵy №55 qaýlysymen bekitilgen «Shyǵý vızalaryn uzartý jáne berý» memlekettik kórsetiletin qyzmet standarty 1. Jalpy erejeler 1. «Shyǵý vızalaryn uzartý jáne berý» memlekettik kórsetiletin qyzmeti (budan ári – memlekettik kórsetiletin qyzmet). 2. Memlekettik kórsetiletin qyzmet standartyn Qazaqstan Respýblıkasy Ishki ister mınıstrligi (budan ári – Mınıstrlik) ázirledi. 3. Memlekettik kórsetiletin qyzmetti Mınıstrliktiń kóshi-qon polısııasynyń aýmaqtyq bólimsheleri (budan ári – kórsetiletin qyzmetti berýshi) kórsetiletin qyzmetti alýshynyń turǵylyqty jeri boıynsha kórsetedi. 2. Memlekettik qyzmet kórsetý tártibi 4. Memlekettik qyzmet kórsetý merzimderi: 1) kórsetiletin qyzmetti berýshige qujattardyń toptamasyn tapsyrǵan sátten bastap – 5 (bes) jumys kúni; 2) qujattardyń toptamasyn tapsyrý úshin barynsha ruqsat etiletin kútý ýaqyty – 30 (otyz) mınýt; 3) barynsha ruqsat etiletin qyzmet kórsetý ýaqyty – 10 (on) mınýt. 5. Memlekettik qyzmet kórsetý nysany – qaǵaz túrinde. 6. Memlekettik qyzmet kórsetý nátıjesi – sheteldik pasportqa ne azamattyǵy joq adamnyń kýáligine toltyrylǵan vızalyq japsyrmany japsyrý jolymen Qazaqstan Respýblıkasynyń vızalaryn («G2», «E1», «E2», «E3», «D8» «K1», «K2», «K3», «L1», «L2», «M1», «M2», «R8» sanattary) uzartý, Qazaqstan Respýblıkasynyń vızalaryn ( «G2», «G4», «J3», «L1», «R1», «R2», «R3», «R4», «R5», «R6», «R7», «R8» sanattary) berý. 7. Memlekettik qyzmet aqyly túrde kórsetiledi. Memlekettik qyzmet kórsetilgeni úshin memlekettik baj alynady, ol 2008 jylǵy 10 jeltoqsandaǵy «Salyq jáne bıýdjetke tólenetin basqa da mindetti tólemder týraly» (Salyq kodeksi) Qazaqstan Respýblıkasy kodeksiniń 538-babyna sáıkes memlekettik baj tóleý kúnine belgilengen aılyq eseptik kórsetkish mólsherinen 50 paıyz­dy quraıdy. Memlekettik baj tólemniń mólsheri men kúnin rastaıtyn qujat (túbirtek) beretin Qazaqstan Respýblıkasynyń banktik mekemeleri arqyly tólenedi. 8. Kórsetiletin qyzmetti berýshiniń jumys kestesi – dúısenbiden bastap senbini qosa alǵanda (dúısenbi – juma, saǵat 13-00-den 14-30-ǵa deıin túski asqa úzilispen saǵat 9-00-den 18-00-ge deıin, senbide saǵat 9-00-den 13-00-ge deıin), demalys – Qazaqstan Respýblıkasynyń eńbek zańnamasyna sáıkes jeksenbi jáne mereke kúnderi. Memlekettik kórsetiletin qyzmet aldyn ala jazylýsyz jáne jedeldetip qyzmet kórsetýsiz kezek tártibimen kórsetiledi. 9. Kórsetiletin qyzmetti alýshy jeke ótinish bildirgen kezde memlekettik qyzmet kórsetýge qajetti qujattar tizbesi: 1) kórsetiletin qyzmetti alýshynyń vızalardy uzartý/berý týraly jazbasha ótinishi; 2) sheteldik pasport ne azamattyǵy joq adamnyń kýáligi; 3) memlekettik bajdy tólegeni týraly túbirtek; 4) «G2» sanatyndaǵy vızalardy (emdelýge) berý úshin - kórsetiletin qyzmetti alýshyny stasıonarlyq jaǵdaılarda emdeý qajettiligin ne kórsetiletin qyzmetti alýshynyń jaqyn týystarynyń stasıonarlyq emdeýde bolýyn rastaıtyn Qazaqstan Respýblıkasynyń medısınalyq uıymdary bergen qujattar qosymsha usynylady. «G2» sanatyndaǵy vızalardy uzartý úshin densaýlyq saqtaý salasyndaǵy ýákiletti organnyń nemese onyń oblystardaǵy, Astana jáne Almaty qalalaryndaǵy aýmaqtyq bólimsheleriniń jazbasha ótinishi usynylady; 5) «G4» sanatyndaǵy vızalardy berý úshin (Qazaqstan Respýblıkasynda turaqty turatyn kámeletke tolmaǵan jáne shetelge ýaqytsha shyǵýǵa nıet bildirgen sheteldikterge) Qazaqstan Respýblıkasy azamattarynyń, Qazaqstan Respýblıkasynda turaqty turatyn sheteldikter men azamattyǵy joq adamdardyń – olardyń ata-analarynyń (qamqorshylardyń, qorǵanshylardyń) ótinishteri qosymsha usynylady; 6) «J3» sanatyndaǵy vızalardy berý úshin (turaqty turýǵa – ishki ister organdary beretin «J3» sanatyndaǵy vızalardy etnıkalyq qazaqtarǵa jáne osy memlekettik kórsetiletin qyzmet standartyna 1-qosymshada kórsetilgen memleketterdiń azamattaryna) qosymsha usynylady: Qazaqstan Respýblıkasynda turaqty turýǵa qaldyrý týraly qujattardy tapsyrǵanyn rastaıtyn ishki ister organdarynyń anyqtamasy; etnıkalyq qazaqtarǵa – olardyń ulttyq tıesiligin rastaıtyn qujattar qosymsha usynylady; 7) «D8» sanatyndaǵy vızalardy uzartý úshin Qazaqstan Respýblıkasy Qorǵanys mınıstrliginiń jazbasha ótinishi qosymsha usynylady; 8) «E1», «E2», «E3» (mıssıonerlik) sanattaryndaǵy vızalardy uzartý úshin - dinı qyzmet salasynda memlekettik retteýdi júzege asyratyn ýákiletti organmen kelisilgen, Qazaqstan Respýblıkasynyń aýmaǵynda tirkelgen dinı birlestiktiń jazbasha ótinishi qosymsha usynylady; 9) «K1», «K2», «K3» (otbasyn biriktirýge) sanattaryndaǵy vızalardy uzartý úshin osy sanattaǵy bastapqy vızany bergen Qazaqstan Respýblıkasy Syrtqy ister mınıstrliginiń shet elderdegi mekemeleriniń ótinishi negizinde shaqyrýshy taraptyń jazbasha ótinishi qosymsha usynylady; 10) «L1», «L2» (oqýǵa) sanattaryndaǵy vızalardy uzartý úshin kórsetiletin qyzmetti alýshy oqyp júrgen Qazaqstan Respýblıkasynda tirkelgen bilim berý nemese oqý oryndary máseleleri jónindegi ýákiletti organnyń ne halyqaralyq uıymnyń zańdy tulǵasynyń, kórsetiletin qyzmetti alýshy oqý praktıkasynan nemese taǵylymdamadan ótip jatqan Qazaqstan Respýblıkasynda akkredıttelgen onyń ókildiginiń jazbasha ótinishi qosymsha usynylady; 11) «M1» (jumysqa) sanatyndaǵy vızalardy uzartý úshin mynalar qosymsha usynylady: osy sanattaǵy bastapqy vızany bergen Qazaqstan Respýblıkasy Syrtqy ister mınıstrliginiń shet elderdegi mekemeleriniń ótinishi negizinde shaqyrýshy taraptyń jazbasha ótinishi; jumysqa ornalastyrýǵa nemese sheteldik jumys kúshin tartýǵa ruqsat, eger mundaı ruqsat «Qazaqstan Respýblıkasyna sheteldik jumys kúshin tartýǵa arnalǵan kvotany belgileý qaǵıdalary» týraly Qazaqstan Respýblıkasy Úkimetiniń 2012 jylǵy 13 qańtardaǵy № 45 qaýlysyna sáıkes talap etiletin bolsa; 12) «M2» («M1» sanatyndaǵy vızasy bar adamdardyń asyraýyndaǵy otbasy múshelerine) sanatyndaǵy vızany uzartý úshin qosymsha: osy sanattaǵy bastapqy vızany bergen Qazaqstan Respýblıkasy Syrtqy ister mınıstrliginiń shet elderdegi mekemeleriniń ótinishi negizinde shaqyrýshy taraptyń jazbasha ótinishi; asyraýynda kórsetiletin qyzmetti alýshy bar adamǵa berilgen nemese uzartylǵan «M1» sanatyndaǵy vızalardyń kóshirmesi qosymsha usynylady; 13) «R1» sanatyndaǵy vızalardy (Qazaqstan Respýblıkasynan tys jerge turaqty turýǵa shyqqan kezde Qazaqstan Respýblıkasynda turaqty turatyn sheteldikter men azamattyǵy joq adamdarǵa) berý úshin qosymsha: ótinish-saýalnama; shyǵatyndardan zań boıynsha alımentter alýǵa quqyǵy bar Qazaqstan Respýblıkasynda turatyn adamdardan (ata-anasy jáne eger birlesken nekeden kámeletke tolmaǵan balalary bolsa, burynǵy jubaılary) olardyń shyǵýyna qarsylyǵy joq ekeni týraly notarıat kýálandyrǵan ótinish. Kórsetiletin qyzmetti alýshy qandaı da bir sebeptermen mundaı ótinishterdi ala almaǵan jaǵdaılarda másele sot tártibimen sheshiledi; on segiz jasqa tolmaǵan adamdardyń ata-anasynyń (qamqorshysynyń, qorǵanshysynyń) bireýimen sheteldikpen nemese azamattyǵy joq adammen turǵylyqty turýǵa birge shyǵýy kezinde – Qazaqstan Respýblıkasynda turatyn ekinshi ata-anasynyń notarıat kýálandyrǵan kelisimi. Kelisimi bolmaǵan kezde kámeletke tolmaǵan balanyń shyǵýy sot tártibimen sheshilýi múmkin; 14) «R7» sanatyndaǵy vızalardy (fors-majorly jaǵdaılarǵa baılanysty vızanyń jaramdylyq merzimi nemese vızasyz bolýǵa ruqsat etilgen merzim aıaqtalǵanǵa deıin shyqpaǵan sheteldikterge) berý úshin fors-majorlyq jaǵdaılardyń bastalǵanyn, poıyzdyń júrýin nemese ózge de kólik quralynyń keshigýin nemese reıstiń toqtatylýyn rastaıtyn qosymsha qujattar usynylady; 15) «R8» sanatyndaǵy vızalardy (Qazaqstan Respýblıkasynyń aýmaǵynda aýyr nemese óte aýyr qylmystar jasaǵan sheteldikterge qatysty) berý úshin qylmystyq qýdalaý organy bergen ótinishti tirkeý týraly habarlama-talony qosymsha usynylady. «R8» sanatyndaǵy vızalardy uzartý úshin aldyn ala tergeýdi júzege asyratyn organnyń ne qylmystyq is qaralyp jatqan sottyń jazbasha ótinishi usynylady. 16) «R2», «R3», «R4», «R5» sanattaryndaǵy vızalar sheteldiktiń Qazaqstan Respýblıkasynda odan ári bolýy úshin negizderdiń joq ekendigi týraly ishki ister organdary qorytyndysynyń negizinde beriledi. Bul rette osy tarmaqtyń 1) tarmaqshasynda kórsetilgen qujat talap etilmeıdi; 17) «R6» sanatyndaǵy vızalar Qazaqstan Respýblıkasy Ishki ister mınıstrligi Qylmystyq-atqarý júıesi komıtetiniń ótinishteri negizinde beriledi. Bul rette osy tarmaqtyń 1) tarmaqshasynda kórsetilgen qujat talap etilmeıdi. Barlyq qujattar qabyldanǵannan keıin kórsetiletin qyzmetti alýshyǵa osy memlekettik kórsetiletin qyzmet standartyna 3-qosymshaǵa sáıkes nysan boıynsha qujattardyń qabyldanǵany týraly qolhat beriledi. 10. Shyǵý vızalaryn berý boıynsha kórsetiletin qyzmetti alýshyǵa memlekettik qyzmetti kórsetýden bas tartý úshin negizder: 1) eger ony qylmystyq jaýaptylyqqa tartý úshin negizder bolsa – is boıynsha is júrgizý aıaqtalǵanǵa deıin; 2) eger ol qylmys jasaǵany úshin sottalsa – jazasyn ótegenge deıin nemese jazadan bosatylǵanǵa deıin; 3) eger ol sottyń oǵan júktegen mindettemelerin oryndaýdan jaltarsa – mindettemeler oryndalǵanǵa deıin. 3. Memlekettik qyzmetti kórsetý máseleleri boıynsha kórsetiletin qyzmetti berýshiniń sheshimderine, áreketterine (áreketsizdigine) shaǵymdaný tártibi 11. Kórsetiletin qyzmetti berýshiniń sheshimderine, áreketterine (áreketsizdigine) shaǵymdanǵan jaǵdaıda, shaǵym memlekettik kórsetiletin qyzmet standartynyń 14-tarmaǵynda kórsetilgen mekenjaı boıynsha kórsetiletin qyzmetti berýshi basshysynyń atyna ne myna mekenjaı boıynsha Mınıstrlik basshysynyń atyna beriledi: 010000, Astana qalasy, Táýelsizdik dańǵyly 1, telefon: 8 (7172) 71-40-33, 71-40-03. Shaǵym poshta arqyly jazbasha nysanda nemese Qazaqstan Respýblıkasynyń zańnamasynda kózdelgen jaǵdaılarda elektrondyq túrde ne kórsetiletin qyzmetti berýshiniń nemese Mınıstrliktiń keńsesi arqyly jumys kúnderi qolma qol qabyldanady. Qabyldanǵan shaǵym ishki ister organdarynyń jeke jáne zańdy tulǵalardyń shaǵymdary men ótinishterin esepke alý jýrnalynda tirkeledi. Shaǵymnyń qabyldanǵanyn rastaıtyn qujat kúni men ýaqyty, ótinishti/shaǵymdy qabyldaǵan adamnyń tegi jáne aty-jóni, sondaı-aq berilgen shaǵymǵa jaýap alý merzimi men orny jáne shaǵymdy qaraý barysy týraly bilýge bolatyn laýazymdy adamdardyń baılanys derekteri kórsetilgen talon bolyp tabylady. Kórsetiletin qyzmetti alýshynyń shaǵymynda: jeke tulǵa – onyń tegi, aty, ákesiniń aty, poshtalyq mekenjaıy; zańdy tulǵa – onyń ataýy, poshtalyq mekenjaıy, shyǵys nómiri jáne kúni kórsetiledi. О́tinishke kórsetiletin qyzmetti alýshy qol qoıýǵa tıis. Kórsetiletin qyzmetti berýshiniń atyna kelip túsken kórsetiletin qyzmetti alýshynyń shaǵymy ony tirkegen kúnnen bastap bes jumys kúni ishinde qaralýǵa jatady. Shaǵymdy qaraý nátıjeleri týraly dáleldi jaýap kórsetiletin qyzmetti alýshyǵa poshta boıynsha joldanady ne kórsetiletin qyzmetti berýshiniń keńsesinde qolma qol beriledi. Kórsetilgen memlekettik qyzmettiń nátıjelerimen kelispegen jaǵdaıda kórsetiletin qyzmetti alýshy memlekettik kórsetiletin qyzmetterdiń sapasyn baǵalaý jáne baqylaý jónindegi ýákiletti organǵa shaǵymmen júgine alady. Memlekettik kórsetiletin qyzmettiń sapasyn baǵalaý jáne baqylaý jónindegi ýákiletti organnyń atyna kelip túsken kórsetiletin qyzmetti alýshynyń shaǵymy ony tirkegen kúnnen bastap on bes jumys kúni ishinde qaralady. 12. Kórsetilgen memlekettik qyzmettiń nátıjelerimen kelispegen jaǵdaılarda kórsetiletin qyzmetti alýshynyń Qazaqstan Respýblıkasynyń zańnamasynda belgilengen tártippen sotqa júginýge quqyǵy bar. 4. Memlekettik qyzmet kórsetýdiń erekshelikteri eskerilgen ózge de talaptar 13. Densaýlyq jaǵdaıyna baılanysty kórsetiletin qyzmetti berýshige jeke ózi kelýine múmkindigi joq kórsetiletin qyzmetti alýshylardan memlekettik qyzmet kórsetý úshin qajetti qujattardy qabyldaý jáne Qazaqstan Respýblıkasynyń sheginen tys turaqty turǵylyqty jerge shyǵý úshin qujattar berý kórsetiletin qyzmetti alýshynyń turǵylyqty jerine baryp júrgiziledi. 14. Memlekettik qyzmet kórsetý oryndarynyń mekenjaılary Mınıstrliktiń mvd.gov.kz ınternet-resýrsynda ornalastyrylady. 15. Kórsetiletin qyzmetti alýshynyń memlekettik qyzmet kórsetý tártibi men mártebesi týraly aqparatty memlekettik qyzmet kórsetý máseleleri boıynsha biryńǵaı baılanys-ortalyǵy arqyly qashyqtyqtan qoljetimdilik rejıminde alýǵa múmkindigi bar. 16. Memlekettik qyzmet kórsetý tártibi týraly aqparatty Biryńǵaı baılanys ortalyǵynyń 1414 telefony boıynsha, Mınıstrliktiń mvd.gov.kz ınternet-resýrsynda kórsetilgen kórsetiletin qyzmetti berýshilerdiń telefondary boıynsha ne Mınıstrliktiń 8 (7172) 71-56-08, 71-44-98 telefondary boıynsha alýǵa bolady. «Shyǵý vızalaryn uzartý jáne berý» memlekettik kórsetiletin qyzmet standartyna 1-qosymsha Azamattarǵa «J3» sanatyndaǵy vızalardy ishki ister organdary beretin memleketter tizimi 1) Avstralııa 2) Avstrııa Respýblıkasy 3) Amerıka Qurama Shtattary 4) Belgııa Koroldigi 5) Birikken Arab Ámirlikteri 6) Bolgarııa Respýblıkasy 7) Brazılııa Federatıvtik Respýblıkasy 8) Germanııa Federatıvtik Respýblıkasy 9) Grek Respýblıkasy 10) Danııa Koroldigi 11) Jańa Zelandııa 12) Japonııa 13) Izraıl Memleketi 14) Iordan Hashımıt Koroldigi 15) Irlandııa Respýblıkasy 16) Islandııa Respýblıkasy 17) Ispanııa Koroldigi 18) Italııa Respýblıkasy 19) Kanada 20) Katar Memleketi 21) Kıpr Respýblıkasy 22) Koreıa Respýblıkasy 23) Latvııa Respýblıkasy 24) Lıtva Respýblıkasy 25) Lıhtenshteın Knıazdigi 26) Lıýksembýrg Uly Gersogtigi 27) Vengrııa Respýblıkasy 28) Malaızııa Federasııasy 29) Malta Respýblıkasy 30) Monako Knıazdigi 31) Nıderlandy Koroldigi 32) Norvegııa Koroldigi 33) Oman Sultandyǵy 34) Polsha Respýblıkasy 35) Portýgalııa Respýblıkasy 36) Rýmynııa 37) Saýd Arabııasy Koroldigi 38) Sıngapýr Respýblıkasy 39) Slovak Respýblıkasy 40) Slovenııa Respýblıkasy 41) Ulybrıtanııa jáne Soltústik Irlandııa Qurama Koroldigi 42) Fınlıandııa Respýblıkasy 43) Fransýz Respýblıkasy 44) Horvatııa Respýblıkasy 45) Cheh Respýblıkasy 46) Shveısarııa Konfederasııasy 47) Shvesııa Koroldigi 48) Eston Respýblıkasy «Shyǵý vızalaryn uzartý jáne berý» memlekettik kórsetiletin qyzmet standartyna 2-qosymsha Kórsetiletin qyzmetti alýshydan qujattardy qabyldaý týraly qolhat Osy qolhat______________________________________ (T.A.Á. kórsetilsin) berildi jáne «Shyǵý vızalaryn uzartý jáne berý» memlekettik kórsetiletin qyzmet standartymen bekitilgen tizbege sáıkes ______________ sanatyndaǵy vızany berý/uzartý úshin qujattar qabyldaǵanyn rastaıdy. Osy qolhat árbir tarap úshin bir-birden 2 danada jasaldy. Oryndaýshy: T.A.Á. _____________________ Telefony ___________________ Aldym: T.A.Á. ____________ kórsetiletin qyzmetti alýshynyń qoly 20 ___ jylǵy «_____»__________