Bilim • 14 Sáýir, 2022

Ortalyq Qazaqstan akademııasynyń jumysy toqtatyldy

57 ret kórsetildi

Bul týraly Egemen.kz Bilim jáne ǵylym mınıstrligine silteme jasap habarlaıdy.

Foto: www.alem-edu.kz

Mınıstrlik Bilim jáne ǵylym salasyndaǵy sapany qamtamasyz etý komıteti tekserý júrgizip, kóptegen zań buzýshylyqty anyqtady.

«Ortalyq Qazaqstan akademııasynda sabaqtar tolyq kólemde júrgizilmedi, oqytýshylar qoıylǵan talaptarǵa sáıkes kelmedi. Atap aıtqanda oqytýshylardyń bilimi men ǵylymı dárejesi oqytylatyn pánderge sáıkes emes. Oqý prosesi praktıkalyq oqytýshylarmen, qajetti oqý ádebıetterimen qamtamasyz etilmegen. Sonymen qatar ýnıversıtette sapany qamtamasyz etýdiń ishki júıesi bolmaǵan, sonyń saldarynan bilim bóliminiń qorytyndysy boıynsha akademııanyń kadrlardy daıarlaýdyń alty baǵytynyń stýdentteri shekti ball jınaı almaǵan. Odan bólek tıisti bilim berý baǵdarlamasyn meńgerý úshin qajetti pánderdi qaıta tapsyrýda buzýshylyqtar anyqtaldy. Aralyq baqylaýdy tapsyrý kezinde ýnıversıtet proktorıng júıesin qoldanbaǵan»,  dep aıtty QR BǴM Bilim jáne ǵylym salasynda sapany qamtamasyz etý komıtetiniń basqarma basshysy Elvıra Saparbekova.

Sonymen qatar jumys berýshilerdiń bilim berý baǵdarlamalarynyń reıtıngin taldaý Ortalyq Qazaqstan akademııasynyń oqý baǵdarlamalarynyń basym bóligi jańartylmaǵanyn jáne eńbek naryǵy men jumys berýshilerdiń suranysyna saı kelmeıtinin kórsetti. Sol sebepti mamandyqtyń kópshiligi stýdentter arasynda suranysqa ıe bolmaı, tek 1-den 5 adamǵa deıin ǵana oqydy.

Apellıasııalyq quqyqty paıdalana otyryp, ýnıversıtet sot organdaryna júgindi. Birinshi satydaǵy sottar akademııanyń talaptaryn qanaǵattandyrýsyz qaldyryp, komıtettiń sheshimderin zańdy dep tanydy.

Aıta ketsek, JOO qyzmetiniń erejesine sáıkes stýdentter ýnıversıtet lısenzııasynyń qoldanylýy toqtatylǵan nemese qaıtaryp alynǵan sátten bastap oqýyn jalǵastyrý úshin basqa JOO-ǵa aýysýǵa quqyly.

«Dıplomnyń jaramsyzdyǵyna baılanysty qıyndyqtardy boldyrmaý úshin stýdentter qazirden bastap basqa JOO-ǵa aýysa alady. Oqytýdyń birqatar baǵyty boıynsha keıbir stýdentter qysqy sessııa kezinde basqa ýnıversıtetterge aýysty», dep tolyqtyrdy E. Saparbekova.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar