Qoǵam • 14 Sáýir, 2022

A-parking aqyly kólik turaǵynyń dırektory qamaýǵa alyndy

44 ret kórsetildi

Almatyda A-parking brendimen qalalyq aqyly avtoturaqtardyń operatory, Alan Parking kompanııasynyń dırektory Muhtar Bazarbaev qamaýǵa alyndy, dep habarlaıdy Egemen.kz.

Sotta habarlaǵandaı, Alan Parking basshysy eki aıǵa qamaýǵa alyndy.

«Tergeý sotynyń qaýlysymen sotqa deıingi tergeý organynyń qoldaýhaty qanaǵattandyryldy, eki aı merzimge kúzetpen ustaýǵa sanksııa berildi», dep habarlady Almaty qalalyq sotynda.

Muhtar Bazarbaevtyń nege kúdikti ekeni týraly aqparat joq.

Aıta keteıik, ótken jyldyń jeltoqsan aıynda Qaırat Boranbaev ıelik etetin RR2 kompanııasy Alan Parking fırmasynan 30 paıyzdyq úlesin satyp alǵan bolatyn. Buǵan deıin aqyly avtoturaqtardyń operatory memleketke tıesili bolǵan.

Sondaı-aq Qaırat Boranbaev osy jyldyń naýryz aıynyń ortasynda qamaýǵa alynǵan bolatyn. Ol asa iri kólemde urlyq jasady degen kúdikke ilindi.

Aıana Toǵanbek

Sońǵy jańalyqtar

Uqsas jańalyqtar