Halyq qordan qoldaý kútedi

– «Qazaqstan halqyna» qoǵam­dyq qory 3 aıdan beri jumys istep keledi. Uıymdastyrýshylyq máse­leler sheshildi, al qaıy­rymdylyq ónimder jelisi qu­rylǵan kezde tolyqqandy qyz­me­tin bastaıdy. Eki apta buryn Qam­qorshylyq keńes Qordyń ju­m­ys josparyn, jumystyń negizgi baǵyttary men tásilderin be­kitti. Uıym shotyna 126 mlrd teńge qarajat jınaldy. Bul aı­tar­lyqtaı qomaqty soma. Ol óz keze­ginde eleýli jumys atqarýǵa múm­kindik beredi. Birinshiden, Den­saýlyq saqtaý mınıstrligimen jáne ákimdiktermen birlesip, Tegin medısınalyq kó­mektiń kepildik berilgen kó­le­mi sheńberinde kórsetilýi tıis ekenine qaramastan dári-dár­mek­pen qamtylmaı qalǵan or­fandyq aýrýlarmen aýyratyn naýqastardyń tizimi aıqyn­dal­dy. Biz dári-dármekpen jeke qam­tamasyz etýdi qajet etetin or­fan­dyq aýrýlarmen aýyratyn 201 balanyń bar ekenin anyq­ta­­­dyq. Tizimdi Densaýlyq saq­taý mınıstrligi jáne jer­gilikti atqarýshy organdar ázirledi. Sa­rapshylarmen birge bi­lik­ti dá­ri­gerler, qamqorshylyq ke­ńe­siniń músheleri – biz kómek kórsetetin barlyq uıym­das­ty­rý­shylyq máseleni py­syq­taý­da, – dedi «Qazaqstan hal­qyna» qo­ǵam­dyq qorynyń tóra­ǵas­y Bolat Jámishev.

Onyń aıtýynsha, qazirgi ýa­qytta eń qıyny sheteldik dári-dármek óndirýshilerimen tike­leı baılanys ornatý bolyp otyr. Dári-dármektiń kóbi eli­mizde tirkelgen, biraq so­ǵan qa­ramastan qor osy dári-dár­mekti óndirýshilermen tike­leı baılanys ornatýdy kóz­deıdi. Tirkelmegen preparattar boıynsha da solaı bolmaq. Bú­ginde birqatar kompanııamen keli­sim­shart pysyqtalyp jatyr. О́z kezeginde, B.Jámishev kelesi jyly tizimdegi barlyq bala bıýdjettik óti­nim­der boıynsha memleket ke­pil­dik ber­gen kómekti ala alatynyna úmit­tenetinin jet­kizdi.

– «Qazaqstan halqyna» qo­ǵam­­­­dyq qory úsh aıda aıtar­lyq­­­­taı jumys atqardy. Bú­gin­de qaza tapqan 19 jáne aýyr ja­­ra­­lanǵan 106 Ishki ister mı­nıs­tr­ligi, Ulttyq qaýipsizdik komı­teti qyzmetkerleriniń otba­sy múshelerine jáne Qor­ǵanys mını­strligi men Res­pýb­lıkalyq ulan­nyń áskerı qyzmetshilerine jalpy kólemi 451 mln teńgeni quraıtyn ma­terıaldyq kómek kór­­setildi. Sondaı-aq qańtar oqı­­ǵasynda jazataıym qaza bol­ǵan­dardyń týystaryna qarajat bólindi. Qaza tapqan úsh azamattyń otbasy múshelerine aqshalaı tólem jiberildi. Olardyń jazataıym oqıǵanyń qurbany ekenin quzyrly organ rastady. Sondaı-aq zardap shekken úsh balanyń jáne qaıtys bolǵan eki balanyń otbasylaryna aqshalaı tólem joldandy. Jalpy, tólem somasy 44 mln teńgeni qurady. Qazir qaza tapqan 13 beıbit turǵynnyń týystaryna aqsha aýdarý úshin málimetteri naqtylanýda. SMA aýrýyna shaldyqqan 20 bala men 2 eresek adamǵa dári-dármek satyp alýǵa arnalǵan kelisimshart qol qoıý kezeńinde. Julyn bul­shyqetteriniń atrofııasy bar 4 balaǵa Qazaqstanda tirkelmegen qymbat turatyn Onasemnogen abeparvovec (Zolgensma) pre­pa­raty satyp alyndy, – dedi Qor tóraǵasynyń orynbasary Lázzat Shyńǵysbaeva.

Qaıyrymdylyq kómek kór­se­týdi jalǵastyra otyryp, «Qa­zaq­stan halqyna» qory mem­lekettik emes uıymdarmen, qor­lar­men birlesip birqatar jobany jú­ze­ge asyrady. Seriktes retinde óti­nim bere alatyn ÚEU, qorlarǵa qo­ıylatyn krıterııler qordyń res­mı saıtynda kór­setilgen.

– Bilim berý salasynda aýyl­dar­ men aýdandardaǵy bilim osha­­ǵynyń deńgeıin kóterýge ba­ǵyt­­talǵan baǵdarlama ázirle­nedi. Orfandyq aýrýlarǵa shal­dyq­­qan naýqastardy dári-dár­mekpen qamtamasyz etý jobasy, transplantasııalaýǵa, on­ko­logııalyq jáne onko­ge­ma­­to­lo­­gııalyq patologııalarǵa muq­taj naý­qastarǵa qaıy­rym­dy­lyq kó­mek kórsetý jobalary, mú­ge­­dek­terdi (balalar men ere­sek­­terdi) arbamen, bıo­nı­ka­lyq pro­tez­derdi ońaltý úshin teh­nı­ka­lyq quraldarmen qam­ta­ma­syz etý baǵdarlamalary jasa­la­dy, – dedi Qor tóraǵasynyń orynbasary.