Uıymdastyrýshylardyń aıtýynsha, jastardy áleýmettik baǵdarlaý daǵdylaryn arttyrý – jobanyń negizgi maqsattarynyń biri.
«Joba qandaı nátıjelerge qol jetkizýge múmkindik beredi? Birinshiden, ol jergilikti qaýymdastyqtardyń problemalaryn kórý jáne olardy sheshý múmkindikterin qalyptastyrýǵa kómektesedi. Jastar arasynda kóshbasshylyq, yntymaqtastyq, kreatıvti jáne synı oılaý sııaqty ómirlik daǵdylardy damytýǵa septigin tıgizedi. Qatysýshylar óz oılaryn, ıdeıalaryn qazirgi jaǵdaıda sátti iske asyrýy úshin qajetti áleýmettik tájirıbege ıe bolady», dedi jobany tanystyrý barysynda joba jetekshisi Tımýr Ysqaqov.
Joba sheńberinde aqparattyq-konsýltasııalyq qoldaýsharalary uıymdastyrylatyn bolady.
«Jobany júzege asyrýǵa qoǵam kóshbasshylary men blogerler, psıhologtar, tabysty kásipkerler, kásibı jattyqtyrýshylar atsalysady. Qazaqstanda bizdiń jastarymyz úshin úlgi bola alatyn tabysty jáne talantty adamdar jetkilikti», deıdi Tımýr Ysqaqov.
Baǵdarlamada ómirlik daǵdylardy, áleýmettik ınnovasııalar men kásipkerlikti nyǵaıtý úshin ártúrli tásilder qarastyrylǵan. Jobanyń mindetteri, birinshi kezekte, halyqtyń osal toptaryndaǵy jastar men jasóspirimderdiń múmkindikterin keńeıtýge baǵyttalǵan.
Qoǵam belsendileri joba qatysýshylarǵa óz daǵdylaryn damytýǵa, óz ıdeıalaryn tujyrymdamalaýdan bastap iske asyrýǵa deıin damytýda tájirıbe jınaýǵa kómektesetinine senimdi.
