Jańa betburystyń naqty qadamy

Qoǵamdyq oı-sanada bılik pen buqara arasyndaǵy jańa tıimdi qarym-qatynastar jańa saıası mádenıettiń qalyptasýyna oń áser etýde. Bul halyqtyq se­nim­­di nyǵaıta túskenin kórse­te­di. Sonymen birge qara­pa­ıym halyqtyń talaby da kú­she­ıip, óz­deriniń qoǵamdaǵy oı-usy­nys­ta­ryn ashyq jetkizýde. Tutastaı alǵanda qoǵam ádilettilik pen ashyqtyqqa, jarııalylyq pen ja­ńa­rýǵa negizdelgen betburys­tar­dyń tiregine aınaldy.

Jańa Qazaqstandy qurýdyń basty qaǵıdaty – ádildik pen áleý­mettik ádildik bolýynyń tarıhı máni men onyń nátıjesine óz ómirimizde-aq tileýli halqymyzben birge kýá bolatynymyzǵa senemiz.

Búginderi Qazaqstanda memle­ket­tik basqarýdyń jańa mode­line kóshetin is-sharalar qolǵa alynyp, ony júzege asyrýdyń qajetti qadamdary jasalýda.

Munyń bárin halyq kórip, estip otyr. Kóptegen ózekti máse­le­niń der kezinde sheshilýinen ut­a­rymyz kóp. Máselen, jurt qandaı da bir máseleni jergilikti atqarý organdary tarapynan qy­­lań beretin, tipten áýre-sar­sańǵa salatyn sózbuıdalyq pen qa­ǵazbastylyq sekildi quby­lys­tar­dy qalamaıdy.

Memleket basshysynyń kúni keshe memlekettik apparattyń qyzmetin bıýrokratııadan aryltý týraly Jarlyqqa qol qoıǵanynda bul máseleniń úlken máni men beretin nátıjeleri quptaý tur­ǵy­synda qabyldanyp otyr. Jańa zaman, jańasha talap, naqty qadam­dar barlyq reformalyq isti ilgeriletýge yqpal etedi.

Jarlyq bıýrokratııadan aryl­tý­­dyń negizgi qaǵıdattaryn aı­qyn­dap berdi. Olar – forma máni­niń basymdyǵy, bastapqy qal­py boıynsha sıfrlandyrýdy, basqarýshylyq jaýapkershilikti, úz­diksiz jetildirýdi, regla­ment­teý­diń ońtaılyǵyna baılanysty naqtylanǵan. Bul rette júıeli jáne qoldanbaly sharalar kesheni qarastyrylǵan.

Osynda kózdelgen sharalardyń júzege asyrylýy memlekettik ap­pa­ratta sheshimderdiń qabyl­da­nýyn jyldamdatady, memle­ket­tik organdardaǵy birin­shi bas­shylardyń derbestigi men jeke jaýapkershiligin artty­ra­dy, qujat aınalymy men esep berý­shilikti qysqartady. Atap aıt­qanda, júktelgen mindet­ter­di jyldam júzege asyrý úshin memlekettik organdarǵa norma­tıvtik quqyqtyq aktilerdi ózderi­niń fýnksııalaryn zańnamalyq deń­geıde naqtylap jatpaı-aq qa­byl­daýǵa quqyq beriledi.

Memlekettik apparattyń tıim­di jumys isteýin qamtamasyz etetin ozyq talaptar men jańa min­det­terdiń mán-maǵynasy jańa ýaqyt­qa saı jaýapkershilik jáne meı­linshe aıqyndyq sıpatymen maǵynaly.

Úkimetke on jumys kúni ishin­de osy Jarlyqty iske asyrý jó­nindegi is-qımyl josparyn beki­týdi qamtamasyz etýdi atap kór­set­ken. Bul, álbette, úlken min­­det­ter men jaýapkershilik júk­­teıdi.

Muny barsha otandastarymyz Jańa Qazaqstan qurý isi aıasynda atqarylyp jatqan senimdi jáne serpindi qadamdar men iskerlik jaǵdaıdyń túbegeıli ózgeristeri dep biledi.

Meırambek TО́LEPBERGEN,

Májilis depýtaty