Vedomstvonyń baspasóz qyzmetiniń habarlaýynsha, mundaı memlekettik tapsyrystyń artyqshylyǵy bar. Iаǵnı stýdent kolledjdi bitirgennen keıin tapsyrys berýshiniń kásipornyna jumysqa ornalasady. Bıyl kásiporyndardyń maqsatty tapsyrysy boıynsha 10 myńnan astam talapkerdi qamtý josparlanyp otyr.
«Mundaı yntymaqtastyq bilim berý baǵdarlamalaryn jańartýǵa jáne eńbek naryǵynyń suranysyna saı kadrlardy daıarlaýǵa múmkindik beredi. Belgili bir mamandarǵa ótinim berý arqyly kásiporyn óz óndirisine saı daıyndalǵan kadrlardy jumysqa alady. Kásiporyn kolledj-stýdent-kásiporyn úshjaqty kelisimshartyna otyrǵannan keıin oqýyn aıaqtaǵan stýdentti jumysqa ornalastyrýǵa mindetti bolatynyn aıta keteıin», dep atap ótti mınıpstrliktiń Tehnıkalyq jáne kásiptik bilim departamentiniń dırektory Nasymjan Ospanova.
Aıta keteıik, mundaı yntymaqtastyq tek stýdentter úshin ǵana emes, muǵalimder úshin de tıimdi. О́ıtkeni kelisimshart jasalǵannan keıin pedagogter seriktes kásiporyn bazasynda taǵylymdamadan óte alady. Oqý nátıjesi boıynsha kásiporyn stýdentterden qorytyndy emtıhan qabyldaıdy.
Sonymen qatar erekshe bilim berýdi qajet etetin balalar úshin de nysanaly tapsyrys beriledi. Olarǵa mamandyqtar tizimi bólinip, túlekterdiń oqý múmkindikterine sáıkes jeke, beıimdeý baǵdarlamalary ázirlenedi.
