«Federasııanyń 2024 jylǵa deıingi josparynda tórt negizgi baǵytty damytý kózdelip otyr. Atap aıtqanda, qala turǵyndary arasynda buqaralyq sportty damytý, mektepterde shahmat úıirmelerin ashý, sporttaǵy joǵary jetistikterdi qalyptastyrý, sondaı-aq ardagerlerdi qoldaý», dedi Jansaıa Ábdimálik.
Federasııa almatylyqtar úshin shahmat mádenıetimen tanysýǵa múmkindik beredi. Taıaýdaǵy úsh jylda bir mezgildi oıynnyń ashyq seanstaryn, Almaty jáne basqa qalalar quramalary arasynda týrnırler uıymdastyrý, sondaı-aq saıabaqtarda, aýlalarda, aýrýhanalarda jáne basqa da qoǵamdyq oryndarda jańa shahmat aımaqtaryn qurý josparlanýda.
«Jalpy bilim berý mekemelerinde shahmat sabaqtaryn engizý tájirıbesi Ulybrıtanııada, AQSh-ta, Túrkııada burynnan qoldanylyp keledi. Al Armenııa shahmatty mindetti mektep baǵdarlamasyna engizgen álemdegi alǵashqy el boldy. Almatylyq oqýshylar úshin bul odan ári ıntellektýaldy damýǵa qolaıly jaǵdaı jasaıtyny sózsiz», dedi federasııa prezıdenti.
