Qujat ázirleýshileriniń aıtýynsha, qazirgi zamanǵy syn-qaterler prokýratýranyń quqyq qorǵaý áleýetin kúsheıtýdi jáne joǵary qadaǵalaý organyn jańǵyrtýdy, prokýrorlar qyzmetiniń kepildikterin nyǵaıtýdy talap etedi.
«Prokýratýra týraly» jańa zańda zańdylyqty saqtaýdy neǵurlym tıimdi qamtamasyz etýge, azamattardyń quqyqtary men bostandyqtaryn, bıznestiń, qoǵam men memlekettiń múddelerin qorǵaýǵa jáne qalpyna keltirýge múmkindik beretin pármendi quraldar men tetikterdi bekitý josparlanyp jatyr.
Atap aıtqanda, prokýror aktileriniń qoldanystaǵy júıesin qylmystyq qýdalaý salasyndaǵy aktilermen tolyqtyrý usynylady, olardyń tártibi qylmystyq is júrgizý zańnamasynyń normalarymen retteledi.
Instıtýsıonaldyq ózgeristermen qatar prokýrorlyq qadaǵalaý aktileriniń júıesin keńeıtý usynylady. Bul aktiler azamattardyń quqyqtaryn, qoǵam men memlekettiń múddelerin jyldam qorǵaý maqsatynda qoldanylady.
Budan basqa prokýratýra qyzmetiniń quqyqtyq kepildikterin nyǵaıtý kózdelgen.
Ázirleýshilerdiń aıtýynsha, qoldanystaǵy zańnama prokýratýra organdarynyń konstıtýsııalyq áleýetin tolyq paıdalanýǵa múmkindik bermeıdi.
Sondaı-aq tekserýlerdi júrgizý jáne taǵaıyndaý tártibin qaıta qaraý qajettiligi týyndap tur.
Qujat 16 mamyrǵa deıin Ashyq NQA saıtynda jarııa talqylaý úshin ornalastyrylǵan.
