Aımaqtar • 20 Sáýir, 2022

Keńesshiler qyzmetinen bas tartty

120 ret kórsetildi

Qyzylorda oblysynyń ákimi Nurlybek Nálibaevtyń qatysýymen ótken oblystyq máslıhattyń kezekti XIV sessııasynda máslıhattyń birqatar sheshimderine ózgerister men tolyqtyrýlar engizý týraly 12 másele qaralyp, sheshim qabyldandy. Sessııada oblys ákimdiginiń derbes quramyn kelisý, oblystyq qoǵamdyq keńesiniń quramyn bekitý, ekonomıka, qarjy jáne jergilikti basqarý máseleleri jónindegi turaqty komıssııa esebi men basqa da mańyzdy máseleler talqylandy.

Oblys ákimi óńirdiń ekonomıkalyq kórset­kishterin arttyrý baǵytynda atqarylatyn bastamalardy atap ótip, aldaǵy mindetterge toqtaldy.

–  Memleket basshysynyń «Jańa Qazaqstan: Jańarý men jańǵyrý joly» Joldaýynda aıtylǵandaı, halyqtyń ál-aýqatyn kóterý – bizdiń strategııalyq maqsatymyz. Aımaqtyń túıtkildi máseleleriniń birqatarymen tanys­pyn, ol alda da saralanady, – dedi Nurlybek Máshbekuly.

Investısııa tartý, salyq bazasyn ulǵaıtý, saıası turaqtylyqty saqtaý, jańa jumys oryndaryn qurýdan bólek árbir teńgeniń tıimdi jumsalýy, onyń qaıtarymyna basa nazar aýdarylady. Agrarlyq saladaǵy problemalar da eskeriledi. Osyǵan arnaıy toqtalǵan óńir basshysy múmkindiginshe kúrish alqaptaryn qysqartpaýǵa tyrysý qajettigin atap ótti. Azyq-túlik taýarlaryna baǵany turaqtandyrý máselesi de kún tártibinen túspeıdi.

О́ńirde bolatyn ózgerister jaıy áleý­met­tik-ekonomıkalyq damý jaǵdaıyna arnalǵan keńeıtilgen jıynda da sóz boldy. Orynbasarlarynyń salalardaǵy negizgi ba­symdyqqa ıe baǵyttar boıynsha atqa­rylǵan jumystar jaıly baıandamasy­nan keıin oblys ákimi óńirdiń negizgi makroekonomıkalyq damý kórsetkishteriniń basym kópshiligi res­pýblıkalyq deńgeıdegi ortasha kórset­kishten de tómen ekenin eskertti jáne ınvestısııalardy tartý jumysyn tez arada kúsheıtýdi tapsyrdy.

– Bizde ár salanyń kórsetkishin byltyrǵy deńgeımen salystyryp, kóńil toǵaıtatyn bir ádet bar. Bul ózimizdi ózimiz aldaý. Nátıjeni ózge óńirlermen salystyrýymyz kerek. Sonda ǵana is alǵa basady, – dedi oblys basshysy.

Jıynda óndiristi, shaǵyn jáne orta bıznesti damytý, ınvestısııa tartý baǵytynda atqarylǵan jumystar taldandy. Aımaq basshysy aýyl sharýashylyǵyndaǵy prob­lemalar men jer daýy máselesine arnaıy toqtaldy. Sharýa qojalyqtaryna bólinetin ınvestısııalyq sýbsıdııaǵa suǵanaqtardyń qol suqqanyn jáne birneshe aýylda dúrkin-dúrkin kóterilip turǵan jer daýlaryn baqylaýǵa alýdy tapsyrdy. О́ńir basshysy oblys ortalyǵyndaǵy 575 kópqabatty úıdiń basqarýdyń jańa formasyna ótýge daıyndyǵy tıisti deńgeıde júrgizilmegenin aıtty. Olardy kondomınıým nysany retinde tirkeý jumystaryn shıratý qajet.

Keńeıtilgen jıynda bilim, densaýlyq, jumyspen qamtý salalaryndaǵy ózekti máseleler ashyq talqylandy. Nurlybek Náli­baev ana men bala ólimin azaıtý, jańa mektepter salý, naqty jumys oryndaryn qurý baǵytynda keshendi taldaý júrgizip, usynystar daıarlaýdy qatań tapsyrdy. Jıynǵa qatysýshylarǵa memlekettik apparatty ońtaıly jáne tıimdi etý maqsatynda baǵyttas salalardy biriktirýge bel baılap otyrǵanyn jetkizdi. Aımaqtaǵy 24 basqarmanyń 8-i qysqaryp, oblys ákimdiginiń qurylymynda 16 basqarma qalatyn boldy.

Budan bylaı oblys ákiminiń shtattaǵy jáne shtattan tys keńesshisi laýazymdary da bolmaıdy. «Bizdiń keńesshimiz – halyq!», dedi aımaq basshysy.

 

Qyzylorda oblysy

Sońǵy jańalyqtar

Jigittermen kúsh synasqan arý

Ulttyq sport • Búgin, 08:43

Qytaıdan qalyp qoıdyq

Sport • Búgin, 08:42

Tabystary – 2 117 000 dollar

Sport • Búgin, 08:40

Sınsınnatıdegi týrnır bastaldy

Sport • Búgin, 08:38

Úzdik qurylysshylar marapattaldy

Qoǵam • Búgin, 08:37

Olımpıadadan keıingi oılar

Sport • Búgin, 08:35

Jarys qyzǵan shaǵyna jetti

Sport • Búgin, 08:34

Tehnopark tegin oqytady

Qoǵam • Búgin, 08:32

Balalarǵa arnalǵan startaptar

Qoǵam • Búgin, 08:30

Julynqurt laboratorııasy áshkerelendi

Aımaqtar • Búgin, 08:27

«Talgodaǵy» talan-taraj

Qoǵam • Búgin, 08:25

Shalǵaıdaǵylar shaǵym aıtady

Bilim • Búgin, 08:22

Jańa mektepter kóbeıedi

Bilim • Búgin, 08:20

Jalbyz ben jaýynqurt ósiredi

Qoǵam • Búgin, 08:17

Moıynqumda mańyzdy máseleler aıtyldy

Aımaqtar • Búgin, 08:13

Jańa Qazaqstan – sheteldikter kózimen

Saıasat • Búgin, 08:10

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar