Bul «Elordanyń jasyl beldeýindegi» janýarlar álemin túrlendirý úshin qolǵa alynyp otyr. Qyrǵaýyl qusyn jersindirýdiń bıologııalyq negizdemesi bar. Sonymen qatar Nur-Sultan qalasynyń jasyl beldeý aımaǵynda ańshylyq qyrǵaýyldy jasandy ósirý jáne jersindirý úshin qyrǵaýyl turaǵy salyndy. Munda jyl saıyn 1000-nan astam balapan ósiriledi, al eresekteri bosatylady.
«Osy jyldyń sáýirinde basqarma «Astana ormany», «Astana Vetservıs» mekemelerimen jáne Aqmola oblystyq orman sharýashylyǵy jáne janýarlar dúnıesi aýmaqtyq ınspeksııasymen birlesip, 700 qyrǵaýyl ushyrdy. Erkin qyrǵaýyldar negizinen «Jasyl beldeýdiń» maıda aǵashtar ýchaskelerinde nemese jıdek túrindegi tuqymdary bar butaly toǵaılarda ómir súredi. Olar negizinen sýdyń mańynda, qalyń qamys pen sý qoımalarynyń jaǵasynda, órmeleıtin jáne tikendi butalarǵa baı qalyń ormandy toǵaılarǵa jaqyn jerlerde júredi. Erkin qyrǵaýyldar aıazǵa shydamdy», delingen habarlamada.
