Soǵysqa attanǵan Jeksenǵuly men Qosshyǵulyn 40 jyl boıy kútýmen ómirden ótken ananyń zarymen bastalatyn pesa – aqyn Jambyldyń maıdannan qaıtpaı qalǵan balasyna, Shyǵystyń qos shynary atanǵan Álııa men Mánshúktiń elge jazǵan hattaryn qamtıdy.
«Ana týraly», «Álııa», «Qara kempir», «Soǵystan qaıtqan soldattar» atty ánderdi ártisterdiń jandy daýyspen shyrqaǵany sarbazdardy erekshe tolqytty. «Alataý» dástúrli óner teatrynyń repertýaryndaǵy «Maıdan hattary» spektakli soǵys ataýlynyń tragedııasyn jas urpaqqa tereń uǵyndyratyn shyǵarma ekendigi sózsiz. Otan qorǵaýdaǵy óshpes erlikti ulyqtaǵan spektakldiń qoıýshy rejısseri, teatrdyń kórkemdik jetekshisi Juldyzbek Jumabaı.
Mýzykamen bastalyp, mýzykamen aıaqtalǵan qoıylymdy sarbazdar óte jyly qabyldady. Ártisterdiń shyǵarmashylyq sheberligi arqyly spektaklden erekshe áser alǵan bolashaq shekarashylar teatr ujymyna alǵys aıtty.
