Tanym • 22 Sáýir, 2022

Ushaqqa syımaǵan Qabanbaıdyń portreti

87 ret kórsetildi

Ushaq qondy. Bárimiz japa-tarmaǵaı korı­dorǵa jetýge asyqtyq. Kútip alý zalynda turmyz. Bir ýaqytta tirkelý orny jaqtan bir jigittiń daýysy qatty shyǵyp jatty. Basynda nazar aýdarmaǵan edim, bara-bara daýysy shyǵandap turǵan jigittiń «Qabanbaı» degen sózin estip qaldym. Sóıtsek, áńgime bylaı eken. Semeıge qonaqqa barǵan bul jigitke sonda turatyn dosy Qabanbaı batyrdyń portretin syıǵa beripti. Babasynyń beınesin tórime iletin boldym dep alqyn-julqyn áýejaıǵa jetken jigitke áýejaı qyzmetkeri: «Bul portretti ushaq ishine alyp kirýge bolmaıdy, tipti osylaı bos kúıinde júk bólimine de jibere almaımyz» demesi bar ma? Olaı dep aıtaryn kútpegen jigit ne derin bilmeı turyp qalyp, sálden soń qolynda aq bilektiń kúshimen, aq naızanyń ushymen elin, jerin qorǵaǵan Qabanbaı qolbasynyń portreti turǵany esine kelip, aıqaıǵa basypty. «Osy babamyz bolmasa seniń de, meniń de osy kúnimiz bolmas edi, keshe búkil elin qorǵaǵan Qabanbaı batyrdyń beınesi búgin alyp ushaqtyń ishine syımaı qalǵany kúlkili emes pe?! Qalaı bolmasyn, men bul portretti alyp ketemin, Almatydaǵy úıimniń tórine ilemin» dep boı bermeı turǵanyn kórdik. Áýejaı qyzmetkerleri de óz degenderinen qaıtpady. Aqyry álgi jigit saýda dúkeninen oraǵysh ákeldi de: «О́ziń qorǵaǵan dalańnyń keń tósinen ushatyn ushaqqa portretiń syımady-aý, Qaıran, Qabanbaı» dep qolyndaǵy portretin orap jatty. Zańdylyq dep qundylyqqa kóz qyryn salmaıtyn jas áýejaı qyzmetkerleri Qabanbaıdyń kim ekenin, onyń sýretin kóterip júrgen myna jigittiń kim ekenin bilgen de joq. 

 

«45 kvadrat»

Semeıge bara jatqan ushaqta otyrmyz. Qanaty bar kólikke otyrǵanyna qoryqty ma, álde bir jeri aýyrdy ma, qasymda otyrǵan jolaýshynyń qishkentaı qyzy mazasyzdanyp, jylaı berdi. Anasy jeıtin táttiler berse de, aldanbady. Aqyry sharasyzdyqtan sómkesinen smartfonyn sýyryp alyp, aldyn ala daıyndap qoıǵan oıyndardy qoıyp berip tynysh boldy. Jaǵy talmaı jylaǵan balaǵa qarap, tyjyrynǵandar da joq emes.

Sálden soń onyń qasynda otyrǵan ájesi sóz bastap, «Elordada turasyń ba?» dep surady. Jaýabyn aıttym. Ári qaraı ol kisi ózi kósilip sóıleı bastady. «On jyl buryn osy qalada turamyz dep aýyldy tastap, kóship kelgenbiz. Ulym men kelinim ártúrli jumys istep, bizdi asyrady. Qalaǵa baryp, sol jerde mekendep qalamyz dep oılap ek, ol oıymyz júzege aspady. Mine, aýylǵa qaıta ketip baramyz, on jyldan beri ár jerde páter jaldap turdyq, endi oılasam, qazirgi qazaqtyń kóbiniń armany «45 kvadrat» páterge ıe bolý eken. Biz de sondaı armanmen ómir súrdik, aqyry qysqa jip kúrmeýge kelmeı, týǵan aýylymyzǵa qaıtyp bara jatyrmyz», dedi. Sosyn qart ushaq terezesiniń perdesin syryp, aqshýlan bulttarǵa qarap, uzaq oılandy. Onyń asyl armany, appaq úmiti sol bulttarmen ilesip qalyqtap júrgendeı. Aıtaryn aıtyp alyp, oǵan ózi nalyp qalǵan egde kisiniń júzine qaradym, áldebir kóńilsizdik ıektep alǵany bilinip tur. Oımen aıtylǵan sózdiń oı týyndatatyny bar emes pe?! Kópke deıin qart kisiniń «45 kvadrat» degen sózi jadymda jańǵyryp turyp aldy. Bálkim, talaı ata-ana balalarymyzdyń «45 kvadrat» páteri bolsa dep kúni-túni armandap júrgen shyǵar?! Eh, «45 kvadrat»!!!

Sońǵy jańalyqtar

Munaı baǵasy 16% tómendeıdi

Ekonomıka • Búgin, 11:30

Búgin aýa raıy qandaı bolady?

Aýa raıy • Búgin, 09:33

Elimizde 49 adam indet juqtyrdy

Koronavırýs • Búgin, 09:14

Jańarǵan júıe jaýapkershiligi

Saılaý • Búgin, 08:58

Jańa elektr stansasy salynady

Qoǵam • Búgin, 08:55

Saıyndaǵy sý daýy

Aımaqtar • Búgin, 08:50

Top jarǵan úsh ǵalym

Bilim • Búgin, 08:45

Jalǵan habar taratqanǵa jaza qatań

Qoǵam • Búgin, 08:40

Qyrǵyzdyń óńindeı...

О́ner • Búgin, 08:35

Ana men bala amandyǵy

Medısına • Búgin, 08:35

Saıası alańdaǵy ustanym

Saılaý • Búgin, 08:25

Áleýmettik jobalardyń áleýeti

Úkimet • Búgin, 00:01

Abyroıly Aǵzam aqsaqal

Aýyl • Keshe

Taǵy da tarıf týraly

Aımaqtar • Keshe

Uqsas jańalyqtar