Elorda • 24 Sáýir, 2022

Elordada eki kóshe jartylaı jabylady

41 ret kórsetildi

Avtomobıl qozǵalysy Qabanbaı batyr dańǵyly men Sh.Qosshyǵululy kóshesi boıynsha joldardyń ortasha jóndelýine baılanysty ishinara jabylady, dep habarlaıdy Egemen.kz elorda ákimdiginiń resmı saıtyna silteme jasap.



«Nur-Sultan qalasynyń Kólik jáne jol-kólik ınfraqurylymyn damytý basqarmasy Nur-Sultan qalasy PD Ákimshilik polısııa basqarmasynyń kelisimimen jol qozǵalysy qaýipsizdigin qamtamasyz etý maqsatynda Qabanbaı batyr dańǵyly men Sh.Qosshyǵululy kóshesindegi jol tósemin ortasha jóndeý jumystarynyń bastalǵany týraly habarlaıdy», delingen vedomstvo habarlamasynda.

Osyǵan baılanysty, 25 sáýir men 5 mamyr aralyǵynda Qabanbaı batyr dańǵyly men 23 sáýir men 25 mamyr aralyǵynda Sh.Qosshyǵululy kóshesiniń boıynda Qorǵaljyn tas jolynan Saraıshyq kóshesine deıin jáne Q. Kúmisbekov kóshesinen Sh.Beısekova kóshesine deıin avtokólik quraldary úshin qozǵalys ishinara jabylady.

Qala joldarynda keptelis týdyrmaý úshin elorda turǵyndary men qonaqtary óz qozǵalys baǵyttaryn aldyn ala josparlaýy qajet.

Basqarmada keltirilgen qolaısyzdyqtar úshin keshirim suraıdy jáne qala turǵyndaryn jóndeý jumystaryna túsinistikpen qaraýǵa shaqyrady.



Sońǵy jańalyqtar

Uqsas jańalyqtar