Kezdesý barysynda A.Omarov Mınıstrliktiń iske asyrǵan jobalary, atqarǵan jumystary men negizgi mindetteri týraly aıtyp berdi.
Baıandamanyń basynda Asqar Omarov óńirlik BAQ-ty barynsha tarta otyryp, óńirlik memlekettik aqparattyq tapsyrysty ýaqytyly iske asyrý qajettigi týraly atap ótti.
Sonymen qatar, Mınıstr azamattyq qoǵamdy damytý salasy boıynsha, atap aıtqanda: memlekettik áleýmettik tapsyrys sheńberinde áleýmettik jobalardy iske asyrý arqyly ÚEU-ny qarjylandyrý; volontıorlik qyzmet, qaıyrymdylyq, memlekettik áleýmettik tapsyrys jáne ÚEU-ǵa arnalǵan granttar máseleleri boıynsha zańnamany jetildirý; volontıorlerdiń front-ofısterin qurý, granttyq qarjylandyrý, sondaı-aq halyqaralyq volontıorlik qyzmetti qurý arqyly volontıorlik qozǵalysty odan ári damytý, «Jyl volontıori» halyqaralyq syılyǵyn taǵaıyndaý boıynsha egjeı-tegjeıli toqtalyp ótti.
«Birinshi jumys orny» jáne «Zhas Project» jobalary, «Táýelsizdik urpaqtary» granttary sııaqty jastardy qoldaý jónindegi memlekettik sharalarǵa erekshe nazar aýdaryldy.
Is-sapar baǵdarlamasynyń mańyzdy bóligi buqaralyq aqparat quraldarynyń ókilderine arnalǵan brıfıng pen azamattardy jeke qabyldaý boldy. Atalmysh brıfıng pen jeke qabyldaý barysynda Mınıstrliktiń jetekshilik etetin salalary boıynsha halyqty tolǵandyratyn ózekti suraqtar qoıylyp, tolyqqandy jaýaptar berildi.
