Konferensııanyń ashylýynda sóz sóılegen Densaýlyq saqtaý mınıstri Ajar Ǵınııat sharanyń Shyǵys Eýropa men Ortalyq Azııa elderiniń densaýlyq saqtaý tehnologııalaryn baǵalaý salasyndaǵy yntymaqtastyǵyn damytýǵa qundy úles qosatynyn atap ótti.
«Densaýlyq saqtaý tehnologııalaryn baǵalaý (DSTB) – halyqty sapaly medısınalyq kómekpen qamtamasyz etýdiń mańyzdy kezeńderiniń biri, ol densaýlyq saqtaýdyń neǵurlym klınıkalyq jáne ekonomıkalyq tıimdi tehnologııalaryn qoldaný úshin irikteýge múmkindik beredi. Búginde Qazaqstan osy salada tabysty jumys tájirıbesine ıe, sondaı-aq GIN, ISPOR, HTAi jáne INAHTA halyqaralyq uıymdarynyń ınstıtýsıonaldyq múshesi», dedi A.Ǵınııat.
Konferensııanyń ashylýynda sóz sóılegen ISPOR Densaýlyq saqtaý ekonomıkasyn zertteý jáne nátıjelerdi baǵalaý Halyqaralyq qoǵamynyń prezıdenti Isao Kamae (Japonııa), HTAi densaýlyq saqtaý tehnologııalaryn baǵalaý Halyqaralyq qaýymdastyǵynyń prezıdenti Vaııa Oortvın (Nıderlandy) jáne QR Parlamenti Senatynyń depýtaty Aqmaral Álnazarovalar sharanyń mańyzdylyǵyn erekshe atap ótti.
Halyqaralyq konferensııada medısınalyq kómekpen jappaı qamtýdy qamtamasyz etý quraly retinde DSTB-nyń mańyzdy jáne ózekti máseleleri kóterildi. Bul rette densaýlyq saqtaý tehnologııalaryn baǵalaý boıynsha halyqaralyq sarapshy Kshıshtof Landa (Polsha) densaýlyq saqtaý salasynda DSTB nátıjesin paıdalana otyryp, dáleldi sheshimder qabyldaýǵa bolatynyn alǵa tartty. Syreon Research zertteý ınstıtýtynyń basshysy Zoltan Kalo (Vengrııa) Shyǵys Eýropadaǵy jalpyǵa birdeı medısınalyq saqtandyrýdyń turaqtylyǵyn arttyrýdaǵy DSTB róli týraly baıandady. Salıdat Qaıyrbekova Ulttyq ǵylymı densaýlyq saqtaýdy damytý ortalyǵynyń basqarma tóraǵasy Aleksandr Kostıýk DSTB-nyń Ortalyq Azııadaǵy densaýlyq saqtaý qyzmetterimen jappaı qamtý turaqtylyǵyn arttyrýdaǵy róline toqtaldy.
Qazaqstanda densaýlyq saqtaý tehnologııalaryn baǵalaý rásimi alǵash ret 2010-2013 jyldary Dúnıejúzilik bank pen Úkimettiń birlesken jobasyn iske asyrý barysynda engizildi. DSTB klınıkalyq tıimdilik dálelderin baǵalaý jáne ekonomıkalyq baǵalaýǵa negizdeletin jáne densaýlyq saqtaý júıesindegi shyǵyndardy ońtaılandyrýǵa, bıýdjet qarajatyn paıdalanýdy utymdy etýge baǵyttalǵan basqarýshylyq sheshimder qabyldaýdyń tıimdi quraly.
20-dan astam eldiń sarapshylary qatysqan halyqaralyq konferensııa aıasynda paneldik, plenarlyq sessııalar men ǵylymı-praktıkalyq sımpozıýmdar ótti. Qatysýshylar atap ótkendeı, konferensııa kásibı qarym-qatynas ornatý, oqytý, jınaqtalǵan tájirıbe men ozyq ıdeıalarmen almasý úshin tıimdi pikirtalas alańyna aınaldy. Sharanyń qorytyndysy boıynsha ázirlengen usynymdar Shyǵys Eýropa jáne Ortalyq Azııa elderinde densaýlyq saqtaý tehnologııalaryn baǵalaý salasyndaǵy óńirlik ózara is-qımyldy damytý men densaýlyq saqtaý salasyndaǵy saıasatty qalyptastyrýda úlken mańyzǵa ıe bolmaq.
