Hımııa jáne bıologııa pánderinen birinshi óńirlik olımpıada zııatkerlik daryndy balalardy erte anyqtaý, bilim alýshylardyń pánderge tanymdyq qyzyǵýshylyǵyn qalyptastyrý maqsatynda ótkiziledi.
Olımpıada 28 jáne 29 sáýirde Nur-Sultan qalasynda 2 týrda (teorııalyq jáne praktıkalyq) ótkizildi. Oǵan Atyraý, Mańǵystaý, Pavlodar, Qaraǵandy, ShQO, Aqmola oblysy, qostanaı jáne Nur-Sultan qalalarynan komandalar qatysty.
149 jas zııatker óziniń barlyq bilimi men iskerligin kórsete otyryp, hımııa men bıologııadan kúrdeli olımpıadalyq esepterdi sheshýde jarysty. Hımııa páni boıynsha 84 oqýshy qatysty, onyń ishinde: 7 synyp - 32 oqýshy, 8 synyp-52 oqýshy. Bıologııa páni boıynsha -66 qatysýshy: 7 synyptar -40 oqýshy, 8 synyptar – 26.
Zııatkerlik jarystarǵa qatysý oqýshylarǵa olardyń jeke ósýi men damýyna, ómirde jetistikke jetý úshin qajetti jańa bilim alýǵa, táýelsiz oılaýdy ıgerýge jáne olardyń qabiletteri men múddelerin anyqtaýǵa kóptegen múmkindikter beredi.
Olımpıadanyń demeýshisi qaıyrymdylyq qyzmetimen tanymal, álemdegi eń iri munaı kompanııasy - «Ekson Mobıl» kompanııasy boldy.
Marapattaý rásiminde olımpıadanyń jeńimpazdary men júldegerlerine «Daryn» RǴPO I, II,III dárejeli dıplomdary jáne demeýshiniń syılyqtary tabys etiledi.
