Reseıdiń Barnaýl qalasynda óner akademııasynda oqyǵanmyn. Sodan beri shyǵarmashylyqpen aınalysyp kelemin. Án salyp qana qoımaımyn, orystyń án ónerin de zertteımin. Kolledj qabyrǵasynda júrgende-aq «Bastenkı» folklor ansamblinde óner kórsettim. Keıin «Rodnıchok» balalar ansamblinde jetekshi boldym. Kishkentaı baldyrǵandarym respýblıkalyq, halyqaralyq baıqaýlarda top jardy.
Áli de án ónerinen qol úzbeımiz. Aıtaıyn degenim, kóńilimiz toq, ýaıymymyz joq bolyp, ándetip, bı bılep júre bergenimizge ne jetsin?! Kópultty elimiz bir shańyraq astynda tatý-tátti ǵumyr keship jatyrmyz. Ár ulttyń ónerin, salt-dástúrin, tilin, dilin syılaımyz.
Alǵash Qazaqstanda Dostyq úıi bizde, О́skemende ashylǵany esimizde. Sonda saltanatty is-sharaǵa da ózimiz de qatystyq. Sol kezde-aq elimizdiń birligi, birtutastyǵy sezilgen edi. Ár birlestik múshelerimen týysqandaı bolyp aralasyp kettik. Qanshama is-shara ótkizdik?! Qazirgi tańda Dostyq úıi keńeıip, qanatyn keńge sermedi. Qoǵamdyq jumystarǵa jastar da tartylyp jatyr. Osynyń bári bizdi qýantady. Ulttardyń aırandaı uıyp otyrǵandaryna qarap qýanamyz. Osynaý birligimizden, tatýlyǵymyzdan aıyrylmaıyq. Keshegi elimizdi eseńgiretip ketken keselden saqtasyn! Túrli qaqtyǵystardan aýlaq bolaıyq! Elimiz máńgi jasasyn!
Anna Dıomına,
Orys mádenı birlestiginiń belsendisi
