Qujat qabyldaý bastalǵannan beri UBT-ǵa 130 myńnan asa talapker tirkelgen. О́tinishterdi qabyldaý 14 mamyrǵa deıin jalǵasady. UBT tapsyrý 16 mamyr men 5 shilde aralyǵynda ótedi.
«Bıyl talapkerler negizgi UBT-ny eki ret tapsyryp, úzdik nátıjemen granttardy taǵaıyndaý konkýrsyna qatysa alady. Biraq beıindi pánder kombınasııasyn aýystyrýǵa bolmaıdy. Iаǵnı birinshi ret fızıka-matematıka tapsyrsa, ekinshi ret te sol pánderdi tapsyrýǵa mindetti», dedi Á. Toıbaev Ortalyq kommýnıkasııalar qyzmetinde ótken baspasóz máslıhatynda.
Bilim departamenti dırektorynyń aıtýynsha, eger birinshi testileýde talapker ereje buzsa, ol UBT-ny ekinshi ret tapsyra almaıdy. Al eger ekinshi ret tapsyrý kezinde erejelerdi buzsa, birinshi jáne ekinshi testileýdiń nátıjeleri joıylady. Iаǵnı ol bala granttardy taǵaıyndaý konkýrsyna qatysa almaıdy.
«Bıyl aqparattyq qaýipsizdikti qamtamasyz etý boıynsha UBT «1 kompıýter – 2 kamera – 1 testilenýshi» qaǵıdasy boıynsha ótkiziledi. Talapkerdiń jumys ornynda negizgi kameradan basqa tulǵany anyqtaýǵa (Face ID) jáne bógde adamdardyń kirýine jol bermeýge múmkindik beretin qosymsha aldyńǵy veb-kamera ornatylǵan», dep túsindirdi Ádilet Toıbaev.
Sondaı-aq, akademııalyq adaldyqty saqtaý úshin talapkerlerdiń testilik nusqasy tańbalanady, ıaǵnı UBT-nyń árbir qatysýshysynyń jeke test nusqasy bolady. Talapkerler erejelerdi buzyp, test tapsyrmalaryn aýdıtorııadan tys jerlerge shyǵarýǵa áreket jasasa, olardyń nátıjeleri joıylady.
Aıta keteri, UBT-daǵy pánderdiń sany bıyl da ózgermeıdi – úsh mindetti jáne eki tańdaý boıynsha. Test tapsyrmalarynyń sany – 120. Onyń ishinde Qazaqstan tarıhynan - 15, matematıkalyq saýattylyqtan - 15, oqý saýattylyǵynan - 20 jáne eki beıindik pánnen - 35. Eń joǵarǵy upaı sany – 140.
UBT kezinde kompıýter ekranynda kalkýlıator, Mendeleev kestesi jáne metaldardyń birqatar belsendiligi qosylǵan tuzdyń erigishtigi kestesi bolady.
Testileýge 4 saǵat (240 mınýt) beriledi. Al erekshe bilim berý qajettiligi bar balalarǵa qosymsha 40 mınýt ýaqyt beriledi. Sonymen qatar olar úshin sýrettersiz, dıagrammalarsyz jáne shemalarsyz synaq nusqalary ázirlendi.
Úmitkerler testileý aıaqtalǵannan keıin 30 mınýt ishinde apellıasııaǵa bere alady. Sertıfıkat appelıasııa týraly sheshim qabyldanǵannan keıin testilenýshiniń jeke kabınetinde qoljetimdi bolady.
Aıana Toǵanbek
