Maldyń tili ýylyp, jem-shóp jeı almaı qalady. Resmı tirkelgen derek boıynsha 5 buzaý ólgen. Alaıda, jaqynda áleýmettik jelide Ereımentaý aýdanynyń Erkinshilik aýylynyń qoqys tógetin ornynda mal ólikseleri jatqan beıne taraǵan edi. Ony turǵyndar qysta ózderi shyǵaryp tastaǵan ólekseler bolý da múmkin. Mal aýrýynyń eń kóp tirkelgeni de osy aýyldyq okrýg. Sondaı-aq 200-den astam qoıǵa aýrý juqqan. Synama nátıjesi áli belgisiz. Mal dárigerleri bul byltyr oblysta tirkelgen aýsyl aýrýy degen boljam aıtqan.
Mamandardyń aıtýynsha, mınıstrlikten aqpan aıynda berilýi tıis ekpe keshigip jatyr. Vaksına bir aptadan keıin keledi dep kútilýde. Jetkizilse, maldarǵa birden ekpe salynady. Al ázirge jergilikti veterınarlar qoldarynda bar dári-dármekpen amaldap otyr.
«Materıaldy aparǵanmen oǵan olardyń dıagnostıkýmy joq. Bizge qajetti negizgi saraptamamyzdy bere almaı otyr. Biraq endi byltyrǵy jylǵa qaraǵanda bizdiń paıymymyz boıynsha sol aýrý. Vaksınalar osy ýaqytqa sheıin berilgen joq. Kúnnen-kúnge osy aýyrǵan maldardyń sany artýda. Sonda da bizdiń mal dárigerlerdiń kúshimen aýyrǵan maldar jazylyp jatyr», dedi Aqmola oblystyq Veterınarııa basqarmasynyń basshysy Talǵat Júnisov.
