Ǵasyrǵa jýyq ǵumyrynda qazaq eliniń basyna kelgen náýbetterdiń bárinen aman ótken abyz qarııanyń urpaqqa aıtar ónegeli áńgimesi mol. Bul rette jasy 97-ge kelgen ózin qorshaı otyrǵandar alty-toǵyz jasar baldyrǵandarmen sóılesip, aqyl-keńesin aıtty.
Kópshilik nazaryna atalǵan klýbtyń tálimgeri Gúlzııa Aýqashova ǵylym ǵana emes, soǵys jáne eńbek ardageriniń qaıtalanbas ǵumyrnamasyn tárbıelenýshilerge baıandap berdi.
«Bizdiń halqymyz – álemdegi eń ómirsheń, oıshyl da ozyq halyq. Olardyń búkil dúnıetanymy, salty, dástúri, ustanymy, tynys-tirshiligi – fılosofııa. Senderdiń osyndaı klýbta ózderińniń ájelerińdeı ustaz-tálimgerlerden tálim alyp jatqandaryńnyń ózi ulttyq sananyń, ulttyq fılosofııanyń jemisi», dedi abyz.
О́z kezeginde baldyrǵandar da jamyraı suraqtaryn qoıdy. Buǵan tushymdy jaýap alǵan oqýshylar dán rıza. Sondaı-aq olar ustazdaryna qosylyp án shyrqap, kúı shertti.
Kezdesý sońynda klýb tárbıelenýshileri ózderiniń bolashaqta kim bolatyny, qandaı mamandyqty, kásipti qalaıtynyn kezek-kezek oryndarynan turyp atap shyqty da, aqsaqaldan bata surady.
Qyzyr sıpatty qonaǵymyz aıtqandaı, endi bir jıyrma jyldan keıin el men jerdiń bir-bir tulǵasy bolatyn baldyrǵandardyń júzi bal-bul janyp, estelik sýretke tústkennen keıin, ǵasyr atasyn shyǵaryp saldy.
Gúlnar Kenjeǵulqyzy,
Almaty qalalyq «Shyńǵa órleý» áleýmettik klýbynyń Jetisý bóliminiń meńgerýshisi
