Onyń aıtýynsha, mereke kúnderi áýe jáne temirjol kóligindegi jolaýshylar aǵyny eki esege artady. Osyǵan baılanysty, kólik polıseıleri quqyqtyq tártipti, azamattardyń qaýipsizdigi men tynyshtyǵyn qamtamasyz etý, sondaı-aq quqyq buzýshylyqtar men qylmystardyń aldyn alý boıynsha is-sharalar keshenin júrgizedi.
Sonymen qatar, ol osy is-shara aıasynda mańyzdy nysandardy, arnaıy mekemelerdi, sondaı-aq ákimshilik ǵımarattar men úı-jaılardy jáne halyqtyń tirshiligin qamtamasyz etý obektilerin qorǵaý kúsheıtiletinin aıtty.
«Qoǵamdyq tártipti saqtaýǵa jáne áýe, temirjol kóligimen qatynaıtyn jolaýshylardyń qaýipsizdigin qamtamasyz etý úshin táýligine departamenttiń 1000-nan astam qyzmetkeri jumyldyryldy. Basshylyq quram qatarynan jaýapty laýazymdy tulǵalardyń kezekshiligi belgilendi», dedi O. Bekeev.
Vedomstvo basshysy óz sózinde kınologtardyń da qyzmettik-izdestirý ıtterin qoldana otyryp, turaqty túrde perrondardy, vokzaldar men áýejaılardaǵy barlyq bagaj bólimshelerin, saqtaý kameralary men kútý zaldaryn tekseretindigin jetkizdi.
«Kólik polısııasy azamattardy qoǵamdyq tártipti saqtaýǵa jáne óz múlikterine muqııat bolýǵa shaqyrady», delingen Kóliktegi polısııa departamentiniń baspasóz qyzmetiniń habarlamasynda.
