Qazaqstan temirjoly kompanııasynyń habarlaýynsha, temirjol kóligimen tegin júrý 1935 jylǵy 31 jeltoqsanǵa deıin týylǵan Uly Otan soǵysynyń qatysýshylary men múgedekterine, tyl eńbekkerlerine jáne eńbek maıdanynyń qatysýshylaryna beriledi.
Atalǵan qaıyrymdylyq aksııasy «Samruk-Kazyna Trust» áleýmettik jobalardy damytý qorynyń «Jeńis» jobasy aıasynda uıymdastyryldy.
Barlyq baǵyttaǵy (Táýelsiz Memleketter Dostastyǵy sheginde) poıyzdardyń kýpelik vagondarynda, sondaı-aq qala mańy qatynasyndaǵy poıyzdarda, «Týrıst» klasty vagondarda jáne «Talgo» kompanııasynyń vagondarynan qurylǵan poıyzdarda múmkindigi shekteýli adamdarǵa arnalǵan mamandandyrylǵan kýpede tegin jol júrý kózdelgen.
Tegin jol júrý qujattaryn resimdeý úshin «Jolaýshylar tasymaly» AQ bılet kassasyna Qazaqstan Respýblıkasy azamatynyń jeke basyn kýálandyratyn qujatty, sondaı-aq Uly Otan soǵysyna qatysýshynyń nemese múgedeginiń kýáligin, tyl eńbekkeri jáne eńbek maıdanynyń qatysýshysy retinde arnaıy memlekettik járdemaqy taǵaıyndaý týraly ýákiletti organnyń belgisi bar zeınetaqy kýáligin usyný qajet.
TMD elderine barǵan kezde tegin jol júrý úshin qujattary Qazaqstan Respýblıkasynyń aýmaǵynda ornalasqan satý pýnktterinde ǵana resimdeledi.
Naýqan 2022 jyldyń 30 maýsymyna deıin júzege asyrylady.
