О́ńir gýbernatory Aleksandr Býrkovpen kezdesý barysynda yntymaqtastyqtyń barlyq salalary boıynsha keń aýqymdy máseleler, onyń ishinde Omby oblysy delegasııasynyń sáýir aıyndaǵy Qazaqstanǵa sapary kezinde qol jetkizilgen ýaǵdalastyqtar jáne Memleket Basshysy Qasym-Jomart Toqaevpen júrgizilgen kelissózder talqylandy.
Sońǵy jyldary eki jaqty yntymaqtastyq jańa sapaly deńgeıge kóterilip, oǵan Omby oblysynyń aıtarlyqtaı úles qosyp jatqany aıtyldy. Máselen, 2021 jyly oblys pen Qazaqstan arasyndaǵy taýar aınalymynyń kólemi 402,1 dollarǵa jetip, 2020 jylmen salystyrǵanda 12,3 paıyzǵa artty.
Taraptar eki jaqty baılanystardyń áleýetiniń mańyzdylyǵyn jáne olardy arttyrý múmkindikterin atap ótti. Atap aıtqanda, aýyl sharýashylyǵy mashına jasaý, densaýlyq saqtaý, agroónerkásiptik keshen, hımııa ónerkásibi jáne týrızm salalarynda ózara tıimdi yntymaqtastyq pen birlesken jobalardy júzege asyrý úshin jaqsy múmkindikter ashylýda.
Mádenı-gýmanıtarlyq yntymaqtastyq ta qarqyndy damýda. Omby oblysynda qazaq mádenıetin nasıhattaıtyn is-sharalar, jetekshi kásibı shyǵarmashylyq ujymdardyń qatysýymen festıvalder, teatrlar men fılarmonııalardyń gastrolderi ótkiziledi. Halyq sanaǵynyń qorytyndysy boıynsha óńirdegi sany shamamen 78-80 myń adamdy quraıtyn qazaq dıasporasy Qazaqstanmen rýhanı kópir bolyp otyr. Osyǵan oraı Ermek Kósherbaev jerlesterimizge mádenıet pen tildiń saqtalýy men damýyna kómekteskeni úshin Aleksandr Býrkovqa alǵysyn bildirip, oblys ákimine II dárejeli «Dostyq» ordenin tabys etti.
Sapar aıasynda elshi Omby oblysyndaǵy qazaq qoǵamdyq birlestikteriniń jetekshilerimen kezdesti. Eń aldymen qazaq tilin úırenýge qatysty otandastardy tolǵandyryp júrgen ózekti máseleler, birlesken gýmanıtarlyq jobalar sóz boldy. Elshi qazaq ortalyqtary bar jergilikti mektepterdiń dırektorlarymen de osy taqyryptardy talqylady.
Ombyda Ermek Kósherbaev Shoqan Ýálıhanovtyń eskertkishi men Kemel Toqaevqa arnalǵan memorıaldyq taqtaǵa gúl shoqtaryn qoıdy.
