Naqty kómek úshin rızashylyq

Memleket basshysynyń atyna Almaty oblysynyń shaǵyn jáne orta bıznes ókilderinen hattar men jedelhattar kelip tústi, dep habarlady Prezıdenttiń baspasóz qyzmeti. О́z hattarynda kásipkerler Memleket basshysyna «Qazaqstan Respýblıkasynda kásipkerlik qyzmet úshin jaǵdaıdy jaqsartý jónindegi túbegeıli sharalar týraly» Jarlyqqa qol qoıǵany, oǵan sáıkes 2014 jylǵy 2 sáýirden 2015 jylǵy 1 qańtarǵa deıin shaǵyn jáne orta bıznes sýbektilerine tek­seris júrgizýge moratorıı ja­rııa­lanǵany úshin alǵystaryn bil­dirgen. Kásipkerler palatasynyń Sar­qand aýdany boıynsha fılıalynyń dırektory F.Abdrahımov josparly tekseris tájirıbesi alynyp tastalǵany jáne bıznesti júr­gi­zýge jasalǵan naqty kómek úshin rı­zashylyǵyn bildiredi. Kásipker S.Mahametova bıznes­ke kórsetilgen qamqorlyq úshin alǵys aıtady. «Bul – bar kúsh-jigerińdi to­lyǵymen bıznesti damytýǵa jum­saıtyn kezeń, óıtkeni, tekseris kezinde talap etiletindeı kóptegen qajetti qujattardy jınaqtaýǵa ýaqytymyz ketpeıdi», – dep jaza­dy avtor. О́z kezeginde Q.Sheńgelbaev Memleket basshysynyń Jarlyǵy otandyq bıznestiń ishki jáne syrtqy ekonomıkalyq básekege qa­bi­lettiligin arttyrýǵa septigin tıgi­zetinin atap ótken. Sondaı-aq, ózderi joldaǵan hatta shaǵyn jáne orta bıznes úshin jaǵdaıdyń udaıy jaq­sa­­ryp kele jatqanyna oblys ká­sip­kerleri J.Kabıev, S.Bazar­baev, E.Nurdáýletov, S.Qalıe­va, A.Keńes, A.Baıbolova, M.Es­ken­di­ro­va, Á.Daıyrbekova alǵys­taryn aıtqan.