Alǵashqy dán egile bastady

Qyzylorda qalasyna qarasty Qaraýyltóbe degen aýyl bar. Munda keńes zama­nynyń kezin­de 5 myń gektar jer aýyl sha­rýashylyǵyn damytýǵa qolaıly me­ken re­tinde qurylyp, jos­par­ly jumys júr­gen eken. Al bú­ginde «Qazaqkú­rish» ǵy­lymı-zert­teý ınstıtýty atal­ǵan aımaqta dándi da­qyldar egip, tájirıbe ju­mystaryn júrgizip jatyr. Instıtýt qaramaǵyna berilgen 1200 gektar jerde kóktemgi egis ju­mystaryna daıyndyq bas­talyp ketti. Egistik alqabynyń 500 gektaryna kúrish, 492 gektary­na jońyshqa egiletin bolsa, 100 gektar jerge ǵylymı-zertteý ju­mys­tary júrgiziledi. Qazirdiń ózin­de arpa, bıdaı, tary sekildi dán­di da­qyldar kógerip, kóktep, ósip ke­ledi. Al, qazir alqapta jo­ńysh­­qa egý jumystary júrip jatyr. Instıtýt quramyndaǵy mala­zyqtyq daqyldar seleksııasynyń meńgerýshisi L.Tohetova jalpy egistik daqyldarynyń ózge elderden ákelingen jáne jergilikti úsh myńdaı sorty bar ekenin aıtady. Bıyl­ǵy egistik naýqanynda 2 sort tájirıbeden ótkizilmek. So­nymen qatar, «Shahrıstan ıachmın» dániniń jańa túri oılap tabylǵan. Ǵalymnyń aıtýynsha, bul dándi daqyl «О́simdikter bıologııasy jáne bıotehnologııasy» ınstıtýtymen birlese otyryp shyǵarylǵan. Sondaı-aq, bıylǵy egistik naýqanyna Qorqyt Ata atyndaǵy memlekettik ýnıversıtetiniń agronomııa mamandyǵynyń 2-kýrs stý­dentteri tartylǵan. Olar bul jerde alǵan bilimderin tájirıbemen ush­tastyrady. Erjan BAITILES, «Egemen Qazaqstan». Qyzylorda oblysy.