Aımaqtar • 15 Mamyr, 2022

Aýyldar qazaqy ataýǵa ıe boldy

65 ret kórsetildi

Batys Qazaqstan oblysynyń Báıterek jáne Terekti aýdanynda birneshe aýylǵa qazaqy ataý berilip, okrýg ataýlary ózgerdi. Oblys ákimi men oblystyq máslıhat hatshysy qol qoıǵan qaýly jaqynda elimizdiń Ádilet mınıstrliginde tıisti tirkeýden ótip, resmı kúshine endi.

Qazaq jerine qarashekpender aǵyl­ǵan HIH ǵasyrdyń sońy, HH ǵa­s­yrdyń basynda Batys Qazaqstan ólkesiniń kóp jeri onomastıkalyq ózgeriske ushy­raǵan edi. Elimiz táýel­siz­dik alyp, tu­ǵy­­rymyz bekigeli tarıhı ádilettilik qal­pyna kelýde. Jaqynda jergilikti onomastıka komıssııasy halyq pikirin eskerip, «Qazaqstan Respýblıkasynyń ákim­shilik-aýmaqtyq qurylysy týraly» Qazaqstan Respýblıkasy zańynyń 11-babynyń 4-tarmaqshasyna sáıkes qorytyndy shyǵarǵan. Soǵan oraı Batys Qazaqstan oblysynyń ákimdigi qaýlysymen, oblystyq más­lıhat de­pýtat­tarynyń sheshimimen Báıterek jáne Terekti aýdandarynyń biraz eldi me­kenderi men ákimshilik-aýmaqtyq bir­lik­teriniń ataýy ózgerdi.

Sonymen Báıterek aýdany bo­ıyn­sha Krasnov aýyldyq okrýgi – Beı­­­bi­­t­­­shilik aýyldyq okrýgi, Krasnov aýyldyq okrýginiń Pogodaev aýyly –
Beıbitshilik aýyly, Krasnov aýyl­dyq okrýginiń Kotelnıkov aýyly –
Syrym batyr aýyly, Jeleznov aýyl­dyq okrýgi – Atameken aýyldyq ok­rý­­gi, Jeleznov aýyldyq okrýginiń J­e­le­znov aýyly – Atameken aýyly, Je­­leznov aýyldyq okrýginiń No­venkıı aýyly – Qaınar aýyly, Che­bo­tarev aýyldyq okrýgi – Qur­man­ǵazy aýyldyq okrýgi, Chebo­tarev aýyldyq ok­rýginiń Chebo­tarev aýyly – Qur­man­ǵazy aýyly, Chebotarev aýyl­dyq okrýginiń Hamın aýyly – Amanat aýy­ly, Shalǵaı aýyldyq okrýginiń Kar­povo aýyly – Tyńdala aýyly dep ata­latyn boldy.

Al Terekti aýdanyndaǵy Fedorov­ka aýyldyq okrýgi – Terekti aýyldyq okrý­gine, Fedorovka aýyldyq okrýgi­niń Fedorovka aýyly – Terekti aýylyna aınaldy.

Osylaısha, Batys Qazaqstan ob­ly­­­syndaǵy barlyq aýdan ataýy to­ly­­­ǵymen qazaqylandy. Qazaqstan Respýblıkasy Prezıdenti Qasym-Jomart Toqaevtyń 2019 jylǵy 27 qyrkúıektegi №19-32-20.357 tapsyrmasyna sáıkes onomastıkalyq ataýlardy retke keltirý jáne ıdeo­lo­gııalyq turǵydan eskirgen ataý­lardy ulttyq tanymǵa jaqyn ataýlarmen aýys­tyrý mindeti óńirde retimen jú­zege asýda.

Árıne onomastıka salasynda óńirde áli kezeń-kezeńimen atqaratyn sharýa kóp. Endigi kezekte aýyl mek­tep­teriniń ataýlaryn aýystyrý, irili-usaqty eldi meken ataýlaryn ózgertý sekildi min­det­ter tur. My­sa­ly, Báıterek aýda­ny­nyń ózinde áli osyndaı 40-qa jýyq aýyl bar eken. Aqjaıyq, Bórli, Terekti aýdandarynda da osy baǵytta atqaratyn is az emes.

 

Batys Qazaqstan oblysy

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar