Jalpy komandalyq esep boıynsha nátıjesi mynadaı:
Qazaqstan quramasynyń sportshylary qarsylastaryna shaq keltirmeı kósh bastady. Ekinshi orynǵa Iran sportshylary jaıǵasty. Al Qyrǵyzstan quramasy úzdik úshtikti túıindedi.
Aıta keteıik, Azııa chempıonatynyń ashylý saltanatynda Mádenıet jáne sport vıse-mınıstri Serik Jarasbaev, Ulttyq Respýblıkalyq kıokýshınkaı-kan karate federasııasynyń Prezıdenti Omarhan О́ksikbaev, Halyqaralyq KWU uıymynyń bas hatshysy Aleksandr Pıchkýnov qatysyp, jarys qatysýshylaryna sáttilik tiledi.
Elorda tatamıinde kýmıte jáne kata túri boıynsha 12 jastan joǵary sportshylar 37 salmaqta synǵa tústi.
Qurlyqtyq básekege KAN, IFK, KWF, WKO federasııasynyń ishki chempıonatta irikteýden ótken 12 memleketten 300-den asa kil myqtylar qatysty.
Aıana Toǵanbek
