Eńbek jáne halyqty áleýmettik qorǵaý mınıstrliginiń málimetinshe, AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.
«Budan basqa AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deıingi balalaryn kepildik berilgen áleýmettik toptamamen qamtamasyz etý boıynsha jumys júrgizilip jatyr», delingen vedomstvo habarlamasynda.
2022 jylǵy 1 mamyrda AÁK alýshylar qataryndaǵy 1 jastan 6 jasqa deıingi 144,6 myń balaǵa azyq-túlik jáne turmystyq hımııa jıyntyǵy túrinde áleýmettik toptama taǵaıyndaldy.
Esterińizge sala keteıik, bıyl qańtar aıyndaǵy TJ rejımine baılanysty 2021 jyldyń 4 toqsanynda AÁK alǵan azamattarǵa tólemder 2022 jyldyń 1 toqsanyna avtomatty túrde uzartyldy. Bul rette jańa alýshylarǵa Elektrondyq úkimet portaly arqyly ataýly áleýmettik kómek taǵaıyndaýǵa ótinish berý múmkindigi berildi.
Qazir qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, sondaı-aq egov.kz elektrondyq úkimet portaly arqyly bere alady.
