Qoǵam • 16 Mamyr, 2022

4 paıyzdyq avtonesıeniń saqtandyrý shyǵynyn kim tóleıdi?

9973 ret kórsetildi

4 paıyzdyq avtonesıeniń saqtandyrý shyǵyny kólik alýshynyń esebinen tólenedi. Bul týraly «О́nkerkásipti damytý qory» aksıonerlik qoǵamynyń ókilderi málim etti, dep habarlaıdy Egemen.kz.

«Nesıe boıynsha syıaqy mólsherine keletin bolsa, Úkimettiń qaýlysymen 4 paıyzdyq syıaqy belgilendi. Bul syıaqy óspeıdi. Degenmen, onyń qasynda banktiń kórsetken qyzmetteri boıynsha qosymsha tólemder bolýy kerek. Saqtandyrý shyǵyndary da bar. Bank óz táýekelin saqtandyrmaı sizderge nesıe bermeıdi. Sondyqtan onyń shyǵyny nesıe alýǵa tilek bildirgen azamattyń esebinen júrgiziledi», dedi qordyń basqarma basshysy Ǵalymjan Ádı.

Al qordyń basqarma tóraǵasynyń orynbasary Rınat Gapparov 4 paıyzdyq syıaqy mólsherlemesiniń ústine qosylatyn paıyzdyq ústemeler ár bankte ár túrli bolýy múmkin ekenin aıtty.

«Jeńildetilgen avtonesıe boıynsha ǵana emes, búkil nesıeler boıynsha syıaqy mólsherlmesinen bólek jyldyq tıimdi syıaqy mólsherlemesi bar. Siz aıtyp otyrǵan nesıeniń paıyzy osy turǵydan ósedi. Al Úkimet belgilegen 4 paıyz syıaqy mólsherlemesi óspeıdi. Iá, qosymsha komıssııalar men saqtandyrý shyǵyny bar. Syıaqy Úkimet qaýlysy boıynsha jeke tólenedi. Sondyqtan nesıe qymbattap otyr. Al saqtandyrýsyz nesıe ala almaısyz», dep túsindirdi Rınat Gapparov.

Sońǵy jańalyqtar

Dollar arzandady

Qarjy • Keshe

Uqsas jańalyqtar