Aımaqtar • 16 Mamyr, 2022

Batys Qazaqstanda jastar shtaby quryldy

53 ret kórsetildi

Batys Qazaqstan oblysynda aldaǵy úlken saıası naýqan - referendýmdy qoldaý boıynsha óńirlik jastar shtaby quryldy. Qoǵamdyq shtab qataryna úkimettik emes uıym ókilderi, ǵalymdar, blogerler men jýrnalıster, jastar men ardagerler qaýymdastyǵy, etnomádenı ortalyqtardyń jetekshileri kirgen.

«Elde bolǵaly jatqan saıası-qoǵamdyq ózgeristerge jastardyń belsene qatysýy óte mańyzdy. О́ıtkeni ádiletti Qazaqstannyń ıgiligi eń aldymen jas urpaq úshin qajet», deıdi shtab jetekshisi Ádilet Berikqalıev.

Referendýmdy qoldaý boıynsha óńirlik jastar shtabynyń jetekshisi Ádilet Berikqalıev, «Oral stýdentter alıansy» korporatıvtik qorynyń dırektory Tasbolat Serikqalıev, Oral qalalyq aqparattyq-taldaý jáne jastarmen jumys jónindegi resýrstyq ortalyǵynyń basshysy Dýlat Júsipqalıev óńirde konstıtýsııalyq túzetýlerdiń maǵynasy men erejelerin túsindirý, bul ózgeristiń Qazaqstandy odan ári damytýǵa qosatyn úlesi týraly jastar jáne barlyq JOO jáne AOO stýdentteri arasynda belsendi jumys júrgizip jatqanyn aıtady.

«Jańa Qazaqstannyń qalyptasýyna Prezıdent usynǵan oń ózgerister men reformalardy iske asyrýǵa úles qosý – bizdiń árqaısymyzdyń negizgi azamattyq boryshymyz. Sondyqtan da biz Memleket basshysynyń Konstıtýsııaǵa usynylatyn túzetýlerdi referendým sheńberinde búkilhalyqtyq daýys berýge shyǵarý týraly sheshimin qoldaımyz. Bul azamattardyń senimin aqtaıtyn durys qadam. Referendýmnyń nátıjeleri halyqtyń erki men onyń el bolashaǵyn túsinýiniń aıqyn dáleli bolmaq», deıdi Dýlat Júsipqalıev.

Qazir áleýmettik jelilerde jastar arasynda «Jańa Qazaqstan, Jańarǵan – Men!» chellendji bastalǵan. Onyń maqsaty – Memleket basshysynyń bastamasyn qoldap, jańa ádiletti memleketti qalyptastyrýǵa jastardy jumyldyrý eken. «О́ıtkeni biz, jastar – qoǵamnyń qozǵaýshy kúshimiz!», deıdi belsendi jastar.

Sońǵy jańalyqtar

ShQO-nyń Samar aýdanyna ákim taǵaıyndaldy

Taǵaıyndaý • Búgin, 19:33

Oral qoqys astynda qalýy múmkin

Aımaqtar • Búgin, 16:47

Dollar qaıta qymbattady

Qarjy • Búgin, 15:58

Almatydaǵy órtten tórt adam qutqaryldy

Aımaqtar • Búgin, 15:40

Almatyda Pfizer vaksınasyna suranys artty

Koronavırýs • Búgin, 14:50

Uqsas jańalyqtar