Aımaqtar • 17 Mamyr, 2022

Túrkistan oblysynda bes adamnyń atynan nesıe rásimdegen alaıaq ustaldy

28 ret kórsetildi

Túrkistan oblysynda bes birdeı turǵynnyń atynan mıkroqarjydan nesıe rásimdegen alaıaq quryqtaldy, dep habarlaıdy Egemen.kz IIM aqparattyq saıtyna silteme jasap.

Túlkibas APB-ǵa bes birdeı jergilikti turǵyn aryzdanǵan. Olar óz shaǵymynda alaıaqtyqtyń qurbany bolǵandyǵyn kórsetken. Iаǵnı, ózin «jerseriktik baılanys júıesi qyzmetkerimin» dep tanystyrǵan beıtanys jigit mıkroqarjy arqyly jábirlenýshilerdiń atynan nesıe rásimdegen. Keltirilgen jalpy shyǵyn kólemi 385 myń teńgege jýyq.

«Atalǵan jaıtty polıseıler QR QK-niń 190-baby (Alaıaqtyq) boıynsha tirkep, dereý iske kiristi. Kýálardan jaýap alyp, kórshiles aımaqtarǵa da izdestirý sharalaryn júrgizdi. Jedel ýákilderdiń tyńǵylyqty atqarǵan jumystarynyń nátıjesinde, kúdiktiniń jeke basy anyqtaldy. Ol Saıram aýdanyndaǵy turǵylyqty mekenjaıynan ustalyp, polısııa bólimine jetkizildi. Anyqtalǵandaı, kúdikti er azamat jerseriktik baılanys júıesi kompanııasynyń qyzmetkerimin dep aýdan turǵyndarynyń senimine kirip, jerseriktik telearnalar ornatýǵa jańadan tirkeý jumystarynyń júrip jatqandyǵyn aıtqan. Sodan turǵyndardyń jeke málimetterin jazyp, bet-beınelerin sýretke túsirip alǵan. Jáne osy arqyly aram oıyn júzege asyryp, qarjy uıymdarynan jasyryn túrde nesıe rásimdegen. Al aqshany alǵan soń óz paıdasyna jaratyp jibergen», dep jazylǵan aqparatta.

Tekserý barysynda ustalǵan azamattyń basqa da alaıaqtyq jaıty boıynsha isti bolǵany belgili bolǵan. Qazirgi tańda kúdikti qamaýǵa alynyp, tergeý amaldary júrgizilýde.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar