Oqıǵa • 17 Mamyr, 2022

Atyraý oblysynda jolaýshylar poıyzy motosıkl mingen er adamdy qaǵyp ketti

20 ret kórsetildi

Atyraý oblysynda jolaýshylar poıyzy motosıkl mingen er adamdy qaǵyp ketti, dep habarlaıdy Egemen.kz.



Kýágerlerdiń sózine qaraǵanda, oqıǵa 16 mamyr kúni Qulsary – Beıneý aralyǵynda boldy. Saǵat 17.50-de kúzetilmeıtin retteletin ótkelde motosıkl mingen er adamdy Atyraý-Mańǵystaý baǵytynda júretin №314 jolaýshylar poıyzy qaǵyp ketken. Er adam Qulsary qalasyndaǵy aýrýhanaǵa jetkizilgenimen, sonda kóz jumdy. IIM Kóliktegi polısııa departamentiniń baspasóz qyzmeti bolǵan oqıǵany rastady.

«Atalǵan derek Atyraý stansııasyndaǵy jelilik polısııa bóliminiń sotqa deıingi tergep-tekserýdiń biryńǵaı tiziliminde QR QK 344-baby 2-bóligi (abaısyzda adam ólimine ákep soqqan temirjol kóligi qozǵalysynyń qaýipsizdik qaǵıdalaryn buzý) boıynsha tirkeldi. Qazirgi ýaqytta is boıynsha qajetti tergeý amaldary júrgizilýde. О́zge aqparat Qylmystyq is júrgizý kodeksiniń 201-babynyń talaptaryna sáıkes tergeý múddesine oraı jarııalaýǵa jatpaıdy», dep habarlady vedomstvodan.

 

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar