Koronavırýs • 17 Mamyr, 2022

COVID-19: Beıjiń metropolıteninde 100-den asa stansııa jabyldy

58 ret kórsetildi

Koronavırýstyń órshýi saldarynan mamyr aıy bastalǵaly Beıjiń metropolıtenindegi 100-den asa stansııa jabyldy. Bul týraly qalalyq metro ákimshiligi málim etti, dep habarlaıdy Egemen.kz.

«17 mamyrdaǵy málimetter boıynsha óz jumysyn toqtatqan Beıjiń metropolıtenindegi stansııalar sany 101-ge jetti. Jalpy sany 19 metro jelisin qamtıdy», delingen habarlamada.

4-12 mamyr aralyǵynda Beıjiń metropolıteniniń ákimshiligi indettiń aldyn alý jáne baqylaý maqsatynda 90-nan astam stansııany japty. 4 mamyrda jappaı jabyldy, ol kezde 60-tan astam metro stansııasy jabylǵan bolatyn. Sonymen qatar Qytaı astanasynyń turǵyndaryn koronavırýsqa skrınıngteý jáne testileý jalǵasýda.

Dúısenbiden bastap Beıjińniń 12 aýdanynda COVID-19-ǵa jappaı testileýdiń kezekti kezeńi bastaldy. 22 sáýirden bastap Chaoıan iskerlik aýdany ǵana koronavırýsqa jappaı testileýdiń 10-nan astam kezeńin ótkizdi. Sonymen qatar Beıjiń bıligi 17-24 mamyr aralyǵynda Qytaı astanasynyń ońtústik-batysyndaǵy Fentaı aýdanynda karantın talaptaryn kúsheıtti, onda 2 mıllıonnan astam adam turady. Fentaı aýdanynyń birqatar jabyq aımaqtarynda turǵyndarǵa úılerinen shyǵýǵa ketýge tyıym salynady. Olarǵa PTR-test tapsyrýǵa, qoqys tastaýǵa jáne sálemdemeler alýǵa shyǵýǵa ruqsat etiledi. Kóshege shyqqan kezde jergilikti turǵyndar N95/KN95 maskalaryn taǵýy kerek.

Resmı málimetterge sáıkes, 22 sáýirden bastap Qytaı astanasynda COVID-19 juqtyrýdyń 1169 jaǵdaıy tirkelgen.

 

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar