Koronavıýrs ınfeksııasynyń el aýmaǵynda taralýyna jol bermes úshin 2022 jyly 3,5 mln doza vaksına satyp alynǵan (Sinopharm – 2 mln, QazVac – 1,5 mln doza). Onyń ishinde óńirlerge 2,9 mln doza jóneltilgen. Sondaı-aq, biryńǵaı dıstrıbıýtordyń qoımasynda 594 myń doza saqtaýly tur. Osynyń bárin eskersek, qazir óńirlerde QazVac, Komırnatı, CoronaVac, Sinopharm, Hayat ekpeleriniń 4,1 mıllıonnan astam dozasy qalǵan», dep jazylǵan vedomstvonyń QazAqparat saýalyna joldaǵan jaýabynda.
Mınıstrliktiń baspasóz qyzmetiniń aqparaty boıynsha, óńirlerge «Spýtnık Laıt» vaksınasynyń 150 myń dozasy aqysyz negizde joldanǵan.
«Sonymen qatar, VAK-tyń 27 sáýirdegi qaýlysy boıynsha jyl aıaǵyna deıin vaksınalaýǵa jatatyn halyqtyń 75 paıyzyn ekpemen qamtamasyz etý úshin «Komırnatı» ekpesiniń 500 myń dozasyn jáne QazVac vaksınasynyń 1 mln dozasyn satyp alý kózdelgen», dep jazylǵan jaýapta.
Aıana Toǵanbek
