Elorda • 18 Mamyr, 2022

Qazaqstandyq kıkbokserler álem kýbogynda top jardy

30 ret kórsetildi

Túrkııanyń Ystanbul qalasynda kıkboksıngten ótken álem kýbogynda qazaqstandyq sportshylar jarystyń alǵashqy kúninde tuǵyrdyń eń bıik satysynan kórindi, dep habarlaıdy Egemen.kz elorda ákimdiginiń resmı saıtyna silteme jasap.

Elimizdiń qurama komandasy eresekter men jasóspirimder arasynda top jaryp, 34 altyn, 22 kúmis jáne 46 qola júldege ıe boldy. Álem kýbogynyń jeńimpazdary men júldegerlerin Nur-Sultan halyqaralyq áýejaıynda jaqyndary men jankúıerleri ystyq yqylaspen qarsy aldy.

Álemdik dodanyń birinshi jarys kúninde óner kórsetken jerlesterimiz Nurdáýlet Qalshora, Shyńǵyshan Tilemisov jáne 91 kelide synǵa túsken Salavat Rahımzanov qarsylastarynan qara úzip, álem kýbo­gynyń jeńimpazy atandy. Sondaı-aq elordalyq kıkbokserler Jánibek Burshaqbaev, Álıhan Ozdoev jáne Ádil Myrzaǵalıev kúmis júldege synyq súıem qalǵanda súrinip, jarysty úshinshi orynmen aıaqtady.

«Bul jeńis bizge árıne ońaı kelgen joq. Osyndaı joǵary nátıjelerge jetý maqsatynda kóp eńbektendik, oqý-jattyǵý jıyndaryna qatysyp, ózara tájirıbe almastyq. Jattyqtyrýshymyz ben ata-anamyzdyń, týǵan-týystarymyzdyń, jankúıerlerimizdiń seniminiń arqasynda búgingi jarysta jeńis tuǵyryna shyqtyq. Bul biz úshin úlken qurmet», dedi álem kýbogynyń jeńimpazy Nurdáýlet Qalshora.

Sonymen qatar elordalyq sportshylar ár túrli jas erekshelikteri men sport túrleri boıynsha da synǵa túsip, ózara myqtylardy anyqtady. Fýll-kontakt boıynsha saıysqa túsken Aıymbek Balqybek pen Batyrhan Qýandykov úshinshi oryndy qanjyǵalady.

Esterińizge salsaq, 12-15 mamyr kúnderi Túrkııanyń Ystanbul qalasynda erler men jastar arasynda kıkboksıngten álem kýbogy ótti. VII ret ótkizilgen álemdik dodaǵa 45 elden 1000-ǵa tarta sportshy qatysty.

Jarys qorytyndysy boıynsha qazaqstandyq sportshylardyń nátıjesi:

1-oryn – Qalshora Nurdaýlet (57kg);
1-oryn – Shyńǵyshan (63.5kg);
1-oryn – Salavat Rahımzanov (91kg);
3-oryn – Jánibek Burshaqbaev (51kg);
3-oryn – Álıhan Ozdoev (67kg);
3-oryn – Ádil Myrzaǵalı (71kg).

Fýll-kontakt:

3-oryn – Aıymbek Balqybek (51kg);
3-oryn – Batyrhan Qýandykov (63,5kg).

Aıana Toǵanbek

Sońǵy jańalyqtar

Dollar arzandady

Qarjy • Keshe

Uqsas jańalyqtar