«Vaksınasııalaý jáne revaksınasııalaý — ınfeksııadan qorǵanatyn jalǵyz jol. Halyqty vaksınasııamen barynsha qamtý úshin biz tıisti is-sharalar qabyldadyq. Táýligine ortasha eseptegende 15 myń adam egilýde», dedi mınıstr Ortalyq kommýnıkasııalar qyzmetinde ótip jatqan baspasóz máslıhatynda.
Onyń dereginshe, búgingi kúni 1-komponentpen 9,5 mln adam (tıisti halyqtyń 83,3 paıyzy, jalpy halyq sanynyń 56 paıyzy), 2-komponentpen 9,2 mln adam (tıisti halyqtyń 81, jalpy halyq sanynyń 54 paıyzy) vaksınalandy.
«Al revaksınasııadan elimizde 4 mln adam ótti», dedi Ajar Ǵınııat.
Aıana Toǵanbek
