Qazaqstan • 18 Mamyr, 2022

Elimizde kıik sany kóbeıip keledi

38 ret kórsetildi

2021 jyldyń qorytyndysy boıynsha elimizde 842 myń kıik bar. Sondaı-aq quzyrly mekeme ókilderi Qazaqstanda albınos quralaı týdy degen jaıtqa qatysty túsinik berdi, dep habarlaıdy Egemen.kz.

О́tken aptada qazaqstandyqtar áleýmettik jelide albınos quralaıdyń vıdeosyn tarata bastady. Keıin anyqtalǵandaı, vıdeo birneshe jyl buryn Reseıde túsirilgen. Bul aqparatty Ekologııa, geologııa jáne tabıǵı resýrstar mınıstrligi rastap otyr.

Atalǵan jaıtqa qatysty «Ohotzooprom» respýblıkalyq mekemesiniń bólim basshysy Azamat Aqaev túsinik berdi.

«Birinshiden, jelide taralǵan vıdeo Qazaqstanda túsirilmegen. Ekinshiden, albınızm — kópke belgili qubylys. Iаǵnı tól áppaq bolyp týady, ol sebep genniń buzylýy. Sol sııaqty albınos ǵylymmen dáleldengen sırek kezdesetin qubylys», dedi ol.

Mamannyń aıtýynsha, kıikterdiń tóldeýi jyl saıyn sáýirdiń sońynan mamyrdyń ortasyna deıin jalǵasady.

«Biz jyl saıyn kıikterdiń esebin júrgizemiz. Búginge deıin elimizde albınos kıik tóliniń týý jaǵdaıy tirkelmedi. Qazaqstanda keń taraǵan úsh kıik túri bar. Ol ústirt kıikteri, Betpaqdala jáne Oral kıikteri. О́tken jyldyń esebi boıynsha elimizde 842 myń kıik bar. Bıyl atalǵan kórsetkish arta túsedi degen úmittemiz. Shamamen 1,2 mln kıikke jetedi degen boljam bar. Jalpy álem boıynsha kıikterdiń 90 paıyzy bizdiń elimizge tıesili», deıdi A. Aqaev.

Jyl saıyn kıikter esebi olar tóldep bolǵannan keıin júrgiziledi. Al onyń qorytyndysy jyl sońynda daıyn bolady.

«Kıikter tóldep jatqanda kedergi keltirýge bolmaıdy. Iаǵnı olardy mazalamaý kerek. Sol sııaqty kıikterge sanaq júrgizý ǵylymı uıymdar bekitken ádiske sáıkes júzege asyrylady. Sanaq negizinen tikushaqtyń kómegimen júrgiziledi. Kıikterdiń tóldeý prosesin quzyrly organdar jáne salalyq ǵylymı mekemelerdiń ókilderi men mamandary qadaǵalaıdy. Jaǵdaıdy jyl boıy zerdelep, jyl aıaǵynda onyń qorytyndysyn shyǵarady», dedi maman.

«Ohotzooprom» ókiliniń málimdeýinshe, elimizde jyl sanap kıikterdiń kóbeıýi baıqalady.

«Baqylaý men qabyldanyp jatqan sharalarǵa qaramastan brakonerlik faktiler bar. Bizdiń ınspektorlar kıik aýlaýshylarmen kúresti táýlik boıy júrgizedi. Kıik aýlaý – ol qylmys. Qylmystyń aldyn alý maqsatynda quzyrly organdarmen birlesip tıisti sharalar qabyldanyp, qoldanysqa enip jatyr», deıdi Azamat Aqaev.

Aıana Toǵanbek

 

Sońǵy jańalyqtar

Dollar arzandady

Qarjy • Keshe

Uqsas jańalyqtar