Saıasat • 18 Mamyr, 2022

Saıası partııa qurý tártibi jeńildeıdi

25 ret kórsetildi

Konstıtýsııalyq keńestiń apparat basshysy, Konstıtýsııaǵa engiziletin ózgerister men tolyqtyrýlar jóninde usynystar daıyndaý boıynsha jumys tobynyń múshesi Baqyt Nurmuhanov Prezıdenttiń partııadan shyǵýy saıası básekelestikti arttyryp, barlyq partııalardyń damýy úshin teń jaǵdaılar jasaıtynyn aıtty, dep habarlaıdy Egemen.kz.

«Qazir jobada Prezıdent saıası partııadan shyǵady dep kórsetilgen. Memleket basshysy konstıtýsııalyq reformadan buryn partııadan shyqty. Bul óz kezeginde saıası básekelestikti arttyrady. Bolashaqta Saıası partııalar týraly zańǵa da ózgerister engiziledi. Saıası partııa qurý tártibi edáýir jeńildetilip jatyr. Sondyqtan saıası arenada jańa saıası kúshter paıda bolyp, ókildi organdarda jańa depýtattar saılanýy yqtımal», dedi Baqyt Nurmuhanov Ortalyq kommýnıkasııalar qyzmetinde.

Eske sala ketsek, bıylǵy Joldaýda Qasym-Jomart Toqaev Prezıdent óziniń ókilettigin atqarý kezeńinde partııaǵa músheligin toqtata turýǵa mindetti ekenin zań júzinde resimdeýdi usyndy. Sáýir aıynda AMANAT partııasynyń tóraǵasy retinde Prezıdenttiń ókilettigi toqtady.

«Men buǵan deıin partııa tóraǵasy laýazymynan bosap, uıym qatarynan shyǵatynymdy aıttym. Osy uıǵarymdy júzege asyratyn kez keldi. Búginnen bastap AMANAT partııasynyń tóraǵasy retinde ókilettigimdi toqtatyp, partııadan shyǵý týraly sheshim qabyldadym. Bul qadamnyń sımvoldyq máni bar. Osy oraıda Prezıdent saılaýynda maǵan senim artyp, qoldaǵandaryńyz úshin barshańyzǵa alǵysymdy aıtqym keledi. Sondaı-aq jaýapty sátte partııa tizginin senip tapsyrǵandaryńyz úshin rızashylyǵymdy bildiremin», degen edi Memleket basshysy.

Sońǵy jańalyqtar

ShQO-nyń Samar aýdanyna ákim taǵaıyndaldy

Taǵaıyndaý • Búgin, 19:33

Oral qoqys astynda qalýy múmkin

Aımaqtar • Búgin, 16:47

Dollar qaıta qymbattady

Qarjy • Búgin, 15:58

Almatydaǵy órtten tórt adam qutqaryldy

Aımaqtar • Búgin, 15:40

Almatyda Pfizer vaksınasyna suranys artty

Koronavırýs • Búgin, 14:50

Uqsas jańalyqtar