Rýhanııat • 18 Mamyr, 2022

Túrkologtyń telegeı eńbegi eskerildi

49 ret kórsetildi

Búgin Halyqaralyq Túrki akademııasynda kórnekti túrkolog, L.N.Gýmılev atyndaǵy EUÝ professory, fılologııa ǵylymdarynyń doktory Qarjaýbaı Sartqojaulynyń 75 jasqa tolýyna arnalǵan alqaly jıyn ótti. Onda túrki mádenıeti men jazýyna ólsheýsiz úles qosqan ǵalymnyń eńbegi joǵary baǵalanyp, ǵalym Túrki akademııasynyń Altyn medalimen marapattaldy.

Jıyndy Halyqaralyq Túrki akademııasynyń prezıdenti Darhan Qydyráli júrgizip, sóz barysynda Qazaqstandaǵy birden bir túrkologtyń mereıtoıyn 18 mamyr – Túrki jazýy kúnimen arnaıy ushtastyryp otyrǵanyn qaperledi. Sonymen qatar kezinde túrkologtyń eńbegin Álkeı Marǵulan, Ǵabıt Músirepovterdiń joǵary baǵalaǵanyn eske aldy. «Áli túrki, túrkitaný dep aıtýǵa jurttyń batyly barmaı turǵan kezde osy salaǵa túren saldyńyz. Úlken-úlken qomaqty ǵylymı jańalyqtar ákeldińiz. Túrki órkenıeti men mádenıetin zerttep qana qoımaı, demokratııaly Monǵolııanyń qazirgi zańdarynyń qalyptasýyna úles qosqanyńyzdy bilemiz. Kórkem ádebıette de ornyńyz bar. kórkem shyǵarmalarǵa keıipker bolyp jatyrsyz» degen akademııa basshysy ǵalymnyń budan da basqa eńbekterine toqtalyp, óńirine Túrki akademııasynyń Altyn medalin taǵyp, ıyǵyna shapan japty.    

Dóńgelek ústel basyndaǵy basqosýda L.N.Gýmılev atyndaǵy EUÝ professorlary Jantas Jaqypov, Tursynhan  Zákenuly, belgili shyǵystanýshy Baqyt Ejenhan, Mońǵolııanyń Qazaqstan Respýblıkasyndaǵy Elshiginiń birinshi hatshysy Damba Batsýýr túrkologtyń Qarjaýbaı Sartqojaulyn mereıtoıymen quttyqtap, túrkologııa ǵylymyndaǵy tolaǵaı tabysy týraly áńgimeledi.

Qarjaýbaı Sartqojauly Orhon jazýlarymen tikeleı  aınalysqan, sol jazýlardy ekspedısııa arqyly zerttegen álemdegi sanaýly ǵalymnyń biri. Ol kóne túrki murasynyń shyraqshysy sekildi nárine erkin sýsyndap,  qunaryna ene zerttedi. Mońǵolııada týyp, kóne túrkiniń atajurt  topyraǵynda ómir súrýi, túrkologııamen shuǵyldanýy Qarjaýbaı Sartqojaulynyń baqyty, túptep kelgende  ultynyń yrysy edi. Sol sebepten de ǵalymnyń 2001 jyly Qazaqstandaǵy L.N.Gýmılev atyndaǵy EUÝ kelýi – ejelgi túrki rýhanııatyn zerdeleýge erekshe ekpin berdi.

Basqosý sońynda Qarjaýbaı Sartqojauly Akademııa basshysy D.Qydyráli men ózin quttyqtaı kelgen ǵalymdar men Monǵolııa elshisine alǵys bildirdi.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar