Qoǵam • 19 Mamyr, 2022

Erden Áripov Joǵarǵy Sot sýdıasy qyzmetinen bosatyldy

254 ret

kórsetildi

1 mın

oqý úshin

Parlament Senatynyń jalpy otyrysynda QR Joǵarǵy sotynyń sýdıasy Erden Áripov qyzmetinen bosatyldy, dep habarlaıdy Egemen.kz.

Egemen Qazaqstan

Erden Áripov Joǵarǵy Sot sýdıasy qyzmetinen bosatyldy

«Sizderdiń qaraýyńyzǵa Erden Raýanuly Áripovti Joǵarǵy Sot sýdıasynyń qyzmetinen bosatý týraly Memleket basshysynyń usynymy engizilip otyr. Prezıdent Jarlyǵymen Erden Raýanuly Qaraǵandy oblystyq sotynyń tóraǵasy bolyp taǵaıyndaldy», dedi QR Joǵary Sot Keńesiniń tóraǵasy Denıs Shıpp.

Palata depýtattary osy usynysqa qoldaý bildirip, sýdıany qyzmetinen bosatý týraly sheshim qabyldady.

Budan buryn habarlanǵandaı, Prezıdenttiń 2022 jylǵy 26 naýryzdaǵy Jarlyǵymen Qaraǵandy oblystyq sotynyń tóraǵasy bolyp taǵaıyndalǵan Erden Áripovty ujymǵa Joǵarǵy Sottyń tóraǵasy Jaqyp Asanov beınekonferensııa kezinde tanystyrdy.

E. Áripov 1963 jyly Almaty oblysynyń Narynqol aýdanynda dúnıege kelgen. 1986 jyly Qazaq memlekettik ýnıversıtetin bitirgen, mamandyǵy boıynsha zańger.

Aıana Toǵanbek