Depýtat keltirgen málimetter boıynsha, 2019 jyly Básekelestikti qorǵaý jáne damytý agenttigi qurylys naryǵyndaǵy básekelestiktiń jaı-kúıine taldaý jasaǵan. Nátıjesinde jobalaý jónindegi ınjenerlik jumystar naryǵynda jeke bıznespen qatar kvazımemlekettik sektordyń kompanııalary da jumys isteıtini anyqtaldy.
«Alaıda, Agenttik uzaq ýaqyt áreketsiz otyrdy jáne zań erejeleriniń buzylýyna qatysty sharalar qabyldamady. Agenttik tek Bas prokýratýranyń aralasýymen ǵana sotqa júgindi. Sonymen qatar mundaı is-áreketter Agenttiktiń kompanııanyń Jarǵysyna ózgerister engizýge oń qorytyndy berýimen ǵana kelisilmeıdi, bul onyń jańa redaksııada bekitilýine negiz boldy. Osylaısha, monopolııaǵa qarsy organ aldymen ınstıtýttyń básekege qabiletti qyzmetti júzege asyrýyna resmı kelisim beredi, sodan keıin olardy jarǵydan shyǵarýǵa májbúrleý týraly sotqa talap aryz berip otyr», dedi Andreı Lýkın.
Senator osylaısha taýar naryǵyndaǵy básekelestiktiń jaı-kúıine sapasyz taldaý júrgizý, engizilgen nusqaýlyqqa baqylaýdyń bolmaýy, sotqa talap qoıý kezinde áýre-sarsańǵa salý, sotqa dálelderdiń berilmeýi jáne dáıeksiz sheshimder qabyldaý kompanııaǵa básekelestik qyzmetti júzege asyrýdy jalǵastyrýǵa múmkindik bergenin atap ótti.
«Osyǵan baılanysty Úkimetke atalǵan faktilerdi joıýdy, básekelestiktiń jaı-kúıine taldaý jasaýdy jáne berilgen nusqaýlyqtardyń oryndalý máselelerin baqylaýǵa ala otyryp, jumysty uıymdastyrý tásilderin qaıta qaraýdy, nusqaýlyq oryndalmaǵan jaǵdaıda naryq sýbektisin, memlekettik organdy, jergilikti atqarýshy organdy monopolııaǵa qarsy organnyń nusqaýyn oryndaýǵa májbúrleý týraly talap-aryzben sotqa júginý týraly máseleni dereý qaraýdy usynamyz», dedi senator.
