Qazaqstan • 19 Mamyr, 2022

Bas prokýratýra zańnamaǵa naqty túzetýler paketin usynatyn boldy

22 ret kórsetildi

Prezıdent Qasym-Jomart Toqaev Bas prokýratýraǵa 2021 jyldan bergi kásipkerlik nysandardy tekserý qujattaryna taldaý jasaýdy tapsyrdy, dep habarlaıdy Egemen.kz.

«Bas prokýratýraǵa 2021 jyldan bergi osy sıpattaǵy isterdi qarastyrý kerek. Onyń ústine kásipkerlerdi qylmystyq qýdalaýdyń negizdiligine udaıy taldaý júrgizip otyrý qajet. Onyń málimeti toqsan saıyn Prezıdent ákimshiligine kirgizilip otyrsyn», dedi Prezıdent.

Memleket basshysynyń aıtýynsha, Bas prokýratýra quqyq qorǵaý organdary qyzmetkerleriniń qııalynan týyndaıtyn qylmystyq isterdi shuǵyl túrde tyıýǵa tıis.

«Memlekettiń bızneske qolaıly jaǵdaı jasaý saıasatyna kóleńke túsirgen kúsh qurylymdary basshylarynyń jaýapkershiligin arttyrý sharalaryn aıqyndaý mańyzdy. Bas prokýratýradan Joǵarǵy sotpen jáne Úkimetpen birlesip zańnamaǵa naqty túzetýler paketin usynýdy suraımyn. Prezıdent ákimshiligi baqylaýǵa alsyn», dedi Qasym-Jomart Toqaev.

Prezıdent bıznestiń memlekettik aýdıt júıesine qatysty problemalardy únemi kóterip kele jatqanyn atap ótti.

«Tapsyrys berýshi memorgandarǵa júrgizilgen memlekettik aýdıt tekserýleriniń qorytyndysy kásipkerlerdi qylmystyq qýdalaýǵa negiz bolyp jatady. Bul jerde júıe kásipkerler memlekettik aýdıttiń qorytyndysyna shaǵymdana da, negizsiz qylmystyq qýdalaýdan qutyla da almaıtyndaı etip túzilgen. Memlekettik aýdıttiń qorytyndysyna azamattyq tártippen shaǵymdaný múmkindikteri túgel qoldanylyp bitkenshe qylmystyq is qozǵaý múmkin bolmaıtyndaı tetik engizgen abzal. Jalpy alǵanda Bas prokýratýra ulttyq kásipkerler palatasymen jáne bıznes-ombýdsmenmen birge shuǵyl túrde qylmystyq jáne azamattyq-quqyqtyq saladaǵy shekteýler tetigin ázirleýge tıis. Kommersııalyq daý-damaılardy naqty azamattyq-quqyqtyq tártipte retteýdi qamtamasyz etý – asa mańyzdy mindet», dedi Memleket basshysy kásipkerlermen kezdesýinde.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar