ShQO boıynsha QAJ departamenti baspasóz qyzmetiniń málimetinshe, óńir aýmaǵynda probasııalyq esepte turǵandardy tekserý maqsatynda profılaktıkalyq shara ótip jatyr. Sonyń aıasynda probasııa qyzmetiniń mamandary jazadan jaltarǵan adamdy qolǵa túsirdi.
«Bul sottalǵan azamat buryn da bas bostandyǵyn shekteý túrindegi jazany óteý tártibin birneshe ret buzǵan. Osyǵan baılanysty onyń aıaǵyna elektrondy bilezik taǵylyp, qadaǵalaý jasaldy. Soǵan qaramastan er adam talapqa baǵynbady», dedi departamenttiń Sol jaǵalaý aýdandyq probasııa qyzmetiniń aǵa ınspektory Gúljan Tátkenova.
Elektrondy bileziktiń kómegimen ustalǵan ol sot prosesine jetkizildi. Sot sheshimimen onyń bas bostandyǵyn shekteý túrindegi jazasy bas bostandyǵynan aıyrýǵa aýystyryldy. Endi er adam 7 aı túrmede otyrady.
Aıana Toǵanbek
