Áıelder saıasattan tys qalmaıdy

Qazaqstan Respýblıkasy Ortalyq saılaý komıssııasynyń múshesi Lázzát Súleımen «BUU-Áıelder» kóp eldik bólimshesi shtab-páteriniń ókilderi – halyqaralyq sarapshy Gabrıella Bardalmen, sondaı-aq, baǵdarlamalyq mamandar Marta Val jáne Olga Hanmen kezdesti. Kezdesýdiń negizgi maqsaty – Qazaqstan Res­pýblıkasy Ortalyq saılaý komıssııasynyń áıel­derdiń saıasatqa qatysýyn ilgeriletý salasyndaǵy qyzmetin, sondaı-aq, atalǵan baǵytta budan ári yntymaqtasý múmkindikterin talqylaý boldy. Kezdesý barysynda Lázzát Súleımen ha­lyq­aralyq sarapshylarǵa Qazaqstan áıelderiniń saı­laý úderisine qatysýyna baılanysty keıbir sta­tıstıkalyq derekterdi usyndy. Bul rette ol áıelderdiń Qazaqstan Respýblıkasy Parla­men­tiniń Májilisindegi joǵary ókildigin, sondaı-aq, áıelderdiń jergilikti ókildi organdar – máslıhat­tarǵa saılaýǵa qatysý belsendiliginiń turaqty túrde artý úrdisin erekshe atap ótti. О́z tarapynan «BUU-Áıelder» bólimshesiniń shtab-páteri ókilderi usynylǵan aqparatty taldaý qorytyndylary negizinde, sondaı-aq, osy salada júzege asyrylyp jatqan jobalardy, kemshilikter men yntymaqtastyqtyń áleýetti salalaryn eskere otyryp, baǵdarlamalyq qujat daıyndalatynyn aıtty. Kezdesý sońynda taraptar ekijaqty ynty­maq­tastyqtyń odan ári keńeıip, nyǵaıatynyna senim bildirdi. «Egemen-aqparat».