Referendým-2022 • 20 Mamyr, 2022

Ǵylym sarapshylary referendýmnyń mańyzdylyǵyn talqylady

48 ret kórsetildi

Aqparat jáne qoǵamdyq damý mınıstrliginiń Qoldanbaly etnosaıası zertteýler ınstıtýtynyń etnosaıası dıskýrsy alańynda «Konstıtýsııalyq reformalar konteksinde azamattyq teńdik» taqyrybynda sarapshylyq kezdesý ótti, dep habarlaıdy Egemen.kz.

Onlaın formatta ótken is-sharaǵa Mınıstrlik ókilderi, «Adam quqyqtary hartııasy» qoǵamdyq qorynyń, Eýropalyq quqyq jáne adam quqyqtary saraptamalyq ınstıtýtynyń ókilderi, professorlar, sondaı-aq QHA Ǵylymı-sarapshylyq keńesiniń, Ǵylymı-sarapshylyq toptarynyń, QEZI janyndaǵy sarapshylyq tobynyń músheleri jáne basqa da múddeli sarapshylar qatysty. 

Etnosaıası dıskýrs alańynda sarapshylar referendýmnyń mańyzdylyǵy men qajettiligi, ony ótkizýge qoıylatyn talaptar, negizgi Zańǵa túzetýler engizý qajettiligi, sol túzetýlerdiń jaqtaýshylary jáne qarsylastary kim, qandaı konstıtýsııalyq reformalar azamattyq teńdik máselelerine jaýap beredi degen ózekti suraqtarǵa jaýaptardy tereńirek ashýǵa tyrysty.

ap

Atap aıtqanda, Eýropalyq quqyq jáne adam quqyqtary saraptamalyq ınstıtýtynyń dırektory, zań ǵylymdarynyń doktory, professor, QHA ǴSK múshesi Marat Sovetuly konstıtýsııalyq reformalar barlyq azamattardyń konstıtýsııalyq quqyqtaryn qorǵaıtyn jáne memlekettik tetikterdiń tıimdiligin arttyratyn azamattyq teńdik doktrınasynyń negizderine sáıkes kelýge baǵyttalǵan dep sanaıdy. Sondaı-aq, ol árbir azamattyń referendýmǵa qatysýynyń mańyzdylyǵyn sózge tıek etti.

О́z kezeginde, «Adam quqyqtary hartııasy» qoǵamdyq qorynyń atqarýshy dırektory Jemis О́tegenqyzy jańa reformalarǵa sáıkes árbir azamat ózdiginshe oılanyp, memlekettik aýqymdaǵy sheshim qabyldaýǵa daıyn dep esepteıdi.

«Búgin biz jańartylǵan Qazaqstanda ómir súrgimiz kele me, joq pa, sony árkim ózi úshin sheshýi tıis. О́ıtkeni, halyqtyń usynylyp otyrǵan konstıtýsııalyq reformalardy qoldaýy zańnamany ǵana emes, azamattyq quqyq sanasyn da ózgertý jónindegi aýqymdy jumysty jalǵastyrýǵa múmkindik beredi», deıdi ol.

Is-shara barysynda qatysýshylar pikir almasyp, aldaǵy referendýmnyń mańyzdylyǵyn atap ótip, ózderiniń azamattyq boryshtaryn oryndaýǵa daıyn ekendikterin bildirdi.

p

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar